正所謂「阿婆跑得快,一定有古怪」,呢位韓裔美國阿婆 Jeannie Rice,70歲嗰年跑出3小時27分50秒的成績,成為世界上首位在70歲這個年齡,跑進330的女子運動員。佢今年已經71歲,最近仲打破埋70歲分齡嘅半馬世界紀錄。

今年8月佢喺美國俄亥州阿克倫市 (Akron) 半馬,以破紀錄1:37:07勇奪分齡組冠軍,並且打破2014年由澳洲人保持嘅世界紀錄1:37:38逾半分鐘。

Jeannie 今年雖然已經71歲,不過狀態仍然大勇。年初佢喺麥爾茲堡 (Fort Myers) 半馬,跑出1:36:16,可惜因為比賽並非合資格賽事,紀錄不獲承認。到今年5月匹茲堡嘅半馬,喺山路賽道仍然造出1:39:41,為呢次打破世界紀錄打好基礎。

現時 Jeannie 擁有70歲分齡組別嘅全馬及半馬世界紀錄,不過仍未言休,仲會參加9月嘅柏林馬拉松以及明年東京同波士頓馬拉松。而且佢仲希望再創佳績,打破佢自己保持嘅世界紀錄添。


延伸閱讀: 阿婆跑得快 一定有古怪

資料來源: Naples News

Fitz連結:  https://fitz.hk/?p=124050

廣告
張伯倫
自細肥仔一名,後來因發現患有脂肪肝,決心多做運動注重健康,曾參加並完成毅行者,關注所有健康資訊。