上個月，英國公佈一項市場調查，發現唔少有跑步習慣嘅跑鞋用家，選購跑鞋前從無作出深入研究。呢啲「盲舂舂」嘅跑者，竟然有79%之多!
調查揭示以下幾個問題:
- 跑者從來無了解自己雙腳嘅問題。例如有無內旋，有無扁平足?
- 買跑鞋時，唔識根據自己腳部嘅問題，去選購適合自己雙腳嘅跑鞋。
- 70%使用者，完全唔知跑鞋可以分為功能性以及中性。功能性 (structured) 指具有預防受傷能力，有較高保護。中性 (neutral) 只有少量保護功能。
步態分析結果，可顯示多種腳部問題。
負責調查的足部醫生強調，跑者在買鞋前需要進行步態分析 (gait analysis)，了解自身問題，再選購一對合適嘅跑鞋。著錯鞋去跑步，只會令自己跑得慢，以及令自己更易受傷。
筆者提醒大家，呢項調查由英國 ASICS 贊助，調查目的可能叫人去店舖做足部分析以及買番對跑鞋。不過醫生講嘅，仍然有一定道理，值得參考。
資料來源: Runner’s World
Fitz連結: https://fitz.hk/?p=124777
朱溫
生於亂世，有種責任。這個責任就是做好自己，感染別人。鍛練好身體，才能裝備自己，迎接亂世。