[H.I.S. x Fitz.hk Fitathlon Japan Running] 靚媽喜遇男神馬高教練_03

[H.I.S. x Fitz.hk Fitathlon Japan Running Series 第一擊, 已於7月2日順利舉行,好多謝當日出席嘅朋友!第二擊將於7月16日舉行,繼續有得跑有禮物送,7月9日早上9點開始報名,留意 Fitz.hk Facebook專頁!詳情:https://fitz.hk/?p=36802]

一直好期待的馬拉松訓練班,終於都到喇!週末早上,早啲起身,慢跑去馬場先!去到馬場,好興奮呀!見到好多跑友,好似久別重逢咁傾傾傾傾,姐妹淘好開心,嘰哩瓜拉,影相影相影相,集郵集郵集郵!

管理員姨姨問我今日咩 party 呀,我話馬拉松訓練班呀!姨姨話:「跑步咁多型男索女嘅,平時踢波丶欖球好少見,以為你地咩 function,玩得咁開心」,之後姨姨補多一句「今日烈陽喎,小心中暑呀!」

[H.I.S. x Fitz.hk Fitathlon Japan Running] 靚媽喜遇男神馬高教練_02

開始喇!馬高教練,帶我哋慢跑熱身3個圈,跑呀跑,姐妹淘繼續一邊好開心咁傾,一邊慢跑,一邊係咁傾,有位靚女話乜咁慢嘅,我望一望錶,5分半披喎師姐,仲話慢?妳哋一定好興奮丶好high喇!

動態拉筋之後,馬高教練開始講解馬拉松的基本訓練,每週要跑 interval丶Tempo丶LSD,跑幾長丶跑幾多丶每週里數要幾多丶每週加幾多公里丶最長長課應該跑幾多公里,之後講下今日玩啲乜丶跑啲乜⋯⋯

[H.I.S. x Fitz.hk Fitathlon Japan Running] 靚媽喜遇男神馬高教練_01

哈哈!「唔係嘛,玩到咁大?」我聽到旁邊幾位靚女細細聲話:「前菜4隻100,主菜8隻400?我有冇聽錯呀?」我心裡暗笑,都未講甜品,哈哈!「喂!我諗住嚟抽跑鞋丶抽機票㗎」「抽?抽你條筋先啦!」我差啲笑咗出聲⋯⋯

「同學仔,唔好放棄呀!難得有一班同學仔同你一齊練,大家都覺得辛苦㗎!完成埋佢!你得㗎!你得㗎!信我,大家一齊做!大家都做到㗎!」上線⋯⋯一隻又一隻,嗌救命丶扯蝦丶嗌救命丶扯蝦。

33度高溫,烈陽下衝圈,真係熱辣辣洋蔥圈呀!地下一攤攤水,因為全身濕晒,滴緊水!辛苦,但好好玩,好開心!衝完同隊友,扯住蝦咁 hand five,好開心!好滿足!姐妹們,你地真係好熱血呀!

[H.I.S. x Fitz.hk Fitathlon Japan Running] 靚媽喜遇男神馬高教練_04[靚媽Joanne同男神馬高教練,除咗會出席其餘 3次活動,12月仲齊齊出戰「那霸馬拉松」,而你都可以一齊去跑! H.I.S. 「那霸馬拉松套票」,7月31日前報名保證有位,詳情可參閱 https://goo.gl/BcwxeU。]

更多:
Fitz.hk Facebook專頁
[參賽保證] 沖繩那霸馬拉松2016
[免費訓練+機票抽獎] H.I.S. x Fitz.hk 七月大搞作,等你報名!
Fitz Running 跑步


文章為作者意見,不代表Fitz立場。

歡迎投稿: http://fitz.hk/contribute/

廣告
靚媽Joanne
半年之內,輕鬆跑完第一個10公里丶初半馬丶初全馬@名古屋女子馬拉松。身體力行,身教兩名子女,堅持丶努力丶不放棄。研究跑步禪,帶病友慢跑減壓,學習放下丶放空丶放鬆,提升身心靈健康。用生命感染生命,鼓勵身邊朋友,越跑越 Fit,越跑越靚。http://www.facebook.com/joanneli246