----- 廣告 Ad -----
按:HK4TUC 香港四大山徑超級挑戰,今年圓滿結束,最後只得7位完走:2位sub-60 “Finisher”、5位sub-75 “Survivor”。比賽全程298公里,28位參加者當然各有故事,其中一位最吸引到大家注目的,是年紀輕輕,只得18歲的香港參加者 Tony Tong 唐熙晉。雖然他最後未能走到梅窩終點,但過程仍然十分精彩,以下是 Tony 賽後的分享。
嚮床上睇住七位參加者衝終點既直播片段,眼淚就不斷咁湧出黎……只係剩低77公里,已經走左3/4路程。😪😪😪
頭221公里一啲都唔容易,超感恩身體冇出現任何狀況,冇爆、冇嘔、冇抽筋、冇水泡、食到嘢……偏偏就嚮臨到山頂既7公里位置痛到突然行唔到,我就知道今年完成唔到……逆走港島徑既後25公里確實唔簡單,當你已經跑左203公里,即使上山頂既一大段係超平坦的,自己亦沒有能力再緩跑,最痛苦既真係呢25公里……🙃🙃🙃
----- 廣告 Ad -----
關於四徑我有咁既睇法:
- 所有跑山既運動員都可以參加,都有完成既可能,重要既係「背後既原因」,一個可以支撐你走完298公里既原因 Both physically and mentally strong are not enough, you should run for a massive reason.
- 要有極強既信念,每一刻都要相信自己可以走落去
- 要相信你選擇既 support team 每位成員,冇佢地既出現,我冇可能走到221
- 要相信自己一整年為四徑所付出過既,同自己講所有努力都唔會因為周圍既因素而白費
- 過程中經歷過無限高低起伏,但必須要笑住面對,因為係做緊自己最鍾意既事
![](https://i0.wp.com/fitz.hk/wp-content/uploads/2018/02/HK4TUC-香港四徑-一年前的約定-我的夢想之旅-12.jpg?resize=510%2C680&ssl=1)
起點
好想同大家分享一下我整年嘅故事:
由一年前第一個過百公里的TTF,到幾個月後既Garmin 100 同9D 50/50🐉…到一年後既今日係HK4TUC,所有野都去得太快。身邊有太多太多朋友都反對我參加四徑既決定,反對嘅地步直情去到連我自己嚮活動前既幾星期都質疑究竟應唔應該 send email 比 Andre (按: Andre Blumberg,HK4TUC發起人) 講話唔參加。反對嘅原因不外乎係覺得我自己既基本功唔夠、技術唔夠、超馬既要求太高……我同意我並唔係一個跑得快跑得好既跑手,我好少比賽,好少攞獎,但係唔代表我冇付出。
好多朋友會話:「後生仔,將來大把時間啦! 洗乜急住跑咁長? 你大個左成身病痛就後悔喇!」將來? 邊個可以寫包單話你自己一定有將來? 好地地去馬場睇馬都可以意外離世,邊個可以預計下一秒會發生咩事?
活動前一晚其實我夜晚六點已經去左瞓覺,但係成晚都瞓唔著,我諗應該瞓得4個鐘。望住天花,我同自己講:「或者我初四真係走唔到去終點,但至少我係有「能力」可以參加。但係如果將來先參加,我既身體可能已經不足以支撐我嚮山上奔跑,已經唔係「能力」上的問題,而係「體力」上既問題。生老病死,who knows?」
一年前為自己訂下一個夢想旅程,用十年時間完成十個世界上最難既超馬耐力賽,HK4TUC 當然就係其中一個。
----- 廣告 Ad -----
嚮上年暑假同九月,我儲錢分別去左瑞士同保加利亞參賽 (100M&158km)。兩場最後都完成唔到,但企嚮歐洲既高山之上我得到既係面對孤獨感既能力、面對極端天氣既應對能力、面對恐懼既能力,嚮四徑挑戰既三日終於可以大派用場。🤘🏼
九月之後眼見好多今年參加四徑既選手都為自己安排左幾場香港既長距離賽事作準備;相反,我為左避免嚮活動前受傷,所以並冇參加任何比賽,只係盡可能維持每週100公里既訓練量,直至活動前的一個禮拜。🏃🏽🏃🏽🏃🏽
![](https://i0.wp.com/fitz.hk/wp-content/uploads/2018/02/HK4TUC-香港四徑-一年前的約定-我的夢想之旅-6.jpg?resize=760%2C570&ssl=1)
一班好友在北潭涌支援
關於訓練,我要感謝兩個好朋友:
- 阿耀:我嚮山上既腳感係你一次又一次陪我練返黎,由上年暑假去左差唔多十次青山苦練,到十二月去左五次九坑八仙練高強度,全較你我先有呢一刻既技術,多謝你! 😙
- Raymond:識左你半年多啲,唔算係深交,但係不論我嚮外地定香港有事,你都會即刻幫我諗方法🙏🏽。記得有一次同你走港徑,你知道我今年挽四徑,你就一口答應support我。之後既幾個月你仲不斷同我去每條徑熟習,多謝你!
想分享關於徑內既食物安排:
嚮三日既活動期間,我選擇唔食 energy bar,反而選擇左 overstim 既焦糖味 energy cake,真心正到一個點,超級超級好味👍🏽。我嚮舖頭一共買左4罐粉返屋企加水焗,總共整左24個cup cake,每個大約係850KJ能量😆 (麥徑帶左7個 衞徑帶左5個 港徑帶左3個),大家不妨玩 Ultra 既時候整,唔貴、好食、重點係可以室溫擺3日。另外在電解水方面,我揀左 Tailwind Lemon 粉,好好味,加上因為冇 BCAA 既關係,所以即使第一日超熱亦冇出現作嘔情況。
☝依2樣cam2sports有售😎
好想分享一下三條徑我所經歷過既事:
麥徑(100公里)屯門至北潭涌💀💀💀
一開始跑屯門引水道已經曬到一個點,所以同自己講一定要好好控速,帶左1L水上路,最後大約2’35 (21k)上到荃錦公路。因為自己仲有大約200mL電解水,所以為左慳5分鐘過蓮姐度,就決定上埋去閳口先補山水。上波頂既體感溫度超過30度,所以一路 keep 住快行,原本預4hrs到波頂,最後大約3’20到。落鉛礦坳既一段依然好曬,所以我落左去鉛礦坳營地水喉補水先上草山,呢個確實係熟路既好處,因為有幾位參加者上草針既時間因為缺水,引致嚮城門已經爆爆地。
落針山既時候見到Tom,佢話城門水機冇曬水,心諗大穫……諗諗下記得金山有補水位,所以嚮城門買左支補礦力就即走。一路去到恆益,買左支可樂同水又即閃。嚮跑去茅坪既途中,氣溫開始正常返,所以落到水浪窩都係比 Plan 快15分鐘。上雞公既時候慢慢上,因為我知落可以快少少,所以比兩位參加者先上,原本預水浪窩去雷打石要1’15,最後好似大約1個鐘左右。之後過北潭凹都幾順利,因為皮膚溫度開始降低,去到廁所見到兩位參加者,Abi 同 Aaron,我補完三罐寶礦力就落赤徑,原本預廁所位去大浪要1個鐘,最後開快左42分鐘到。後段上西灣山真係辛苦到嘔泡,300幾米好似上極都未上完,落浪茄又係浪極都未落完…最後10公里保持住6分至6分半速跑,用了17’04完成麥徑。
----- 廣告 Ad -----
北潭涌至南涌Transition (1hr45min)
嚮北潭涌見到四位 support team 既朋友後,第一時間係去廁所沖個靚涼,之後一路食飯一路浸腳。隔左20分鐘後就開車去南涌,中途嚮車上都有淺睡過,不過實在異常地精神,所以一到南涌就食左大 Tony既愛心粥,之後就起步喇,比原訂計劃早左1hr 15min出發。
衛徑 (78公里) 南涌至赤柱峽道
起步既時候其實幾精神既,一直按住計劃跑至鶴藪。但係上九坑既時候開始跌速,開始覺得眼瞓,所以在九坑馬路既涼亭瞓左10分鐘。落九坑樓梯既時候輝sir在後面一陣風飄過🙈,當時我真係眼瞓到痴線~~落到太和7-11見到輝sir準備離開,我就買左兩盒飯補充下先,臨食完既時候 Fanny 突然嚮我身後出現,真係嚇返醒我,原來佢身體唔舒服,所以被迫退出。
食完之後繼續上蓮澳,點知睡魔又急 call 我,唯有在碗窰涼亭再瞓多15分鐘,之後既旅程已經跟唔到 Plan喇😂😭起身嗰下聽到Pole聲,原來係日本參加者趕到,同時間我發現自己2隻腳既外側四頭肌超痛。正當放棄既諗法第一次出現,我即刻打比 Raymond,佢叫我大力按鬆佢。按完之後繼續上鉛礦坳,突然好似上返力咁,一口氣 jog 到去大霸,再過埋金山。在金山見到其中一位生還者 Will,佢真係超高~至少高我2個頭🙈,最後跟到佢去引水道。我知呢段全平路大約5K,一定要跑的,所以我每跑300米就行大量10秒,一直維持至引水道尾。臨跑到尾既時候又見到我既力量棒— Tom 同 Rouisa 之後好興奮咁上左去恆益。嚮士多見到上年內地既生還者 Mike,傾左幾句食左嗰麵就繼續行上基維爾,落東洋既時候感覺幾好,臨到大藍湖仲見到 Mon 姐😬 超興奮。一路穩定咁過到去井欄樹,仲諗住坐低食嗰飯,點知士多同餐廳都冇開😭所以唯有好灰咁繼續過去馬油塘嗰邊。
上五桂山同魔鬼山都好慢好慢,好彩可以在天黑之前落到油塘,之後由油塘過藍田地鐵站既3K平路,都已經攰到一個點,已經係步兵狀態……臨尾400米仲要係大斜路,真係Wxx😂 去到地鐵站外既唐記包點即刻買嗰排骨飯同蒸包食,太肚餓喇😶 之後即刻搭地鐵去太古,嚮太古地鐵站既月台瞓左足足20分鐘~~離開地鐵站嗰下發現氣溫已經降低左好多,大約17度到,所以即刻著返件褸同手套。一路慢慢上小馬山,大風大霧到痴線,完全睇唔到路,仲來回一段路走左一次確認走得啱…之後趕住落陽明山莊,因為實在太凍喇~~臨落到底既時候突然後面又有一陣風飄過,原來係 Salomon,不過佢已經跑緊港島徑,我就仲嚮衞徑😬。落到燒烤場聽到有歡呼聲,原來係 Andre 同 Lloyd (按: Lloyd Belcher,HK4TUC 攝影師) 幾個嚮度等我地九位,成件事即刻熱血左,心諗紫羅、孖崗嗰7k話咁快搞掂啦~~😌少年我真係太年輕喇,紫羅都仲可以,孖崗真係可一不可再,見到條紫崗橋隻腳已經即刻硬曬😂 原來走完170k再上孖崗真係慢過行山人士幾倍💩 每上50級就坐底抖抖,上完第一坐見到枝標距柱以為就落赤柱~~點知心諗點解仲未見到赤柱熟悉既燈光既? 點解仲未見到個三角網測站嘅? 之後先記得其實仲有一座😌 挨埋佢……過多10分鐘到頂,終於可以衝落馬路喇,1000級…700…500…300…100,終於見到 Terence 同 Frankie😭
![](https://i0.wp.com/fitz.hk/wp-content/uploads/2018/02/HK4TUC-香港四徑-一年前的約定-我的夢想之旅-10.jpg?resize=703%2C580&ssl=1)
衛徑引水道
![](https://i0.wp.com/fitz.hk/wp-content/uploads/2018/02/HK4TUC-香港四徑-一年前的約定-我的夢想之旅-11.jpg?resize=720%2C720&ssl=1)
大藍湖
坦白講,上緊孖崗既時候我又第二次諗衰野😂我已經諗定原因點同2位講我想退出,實在太攰太攰,腳實在太痛,係超痛!最後我用左18’45先完成衞徑,2200到赤柱峽道,比預計慢左4個鐘。😟
赤柱峽道至石澳沙灘 Transition (2hrs 40mins)
一落到馬路,我連講野既時間都冇😏🤔🙄Frankie就即刻話: 「上車,乜都唔好搞住,帶眼罩瞓教!」成件事好似打仗咁😂但嗰一刻成身污糟到一個點堅係瞓唔到囉🙄所以一路吹水一路去石澳,大約15分鐘左右就到~~一去到我已經被緊張既氣氛覆蓋左想退出既諗法🙈有勁多 supporters 嚮度叫我加油 Jenny Yeung,所以就繼續食野、換衫~瞓左大約2個鐘,之後 tape 腳就走人。
![](https://i0.wp.com/fitz.hk/wp-content/uploads/2018/02/HK4TUC-香港四徑-一年前的約定-我的夢想之旅-14.jpg?resize=636%2C680&ssl=1)
輝 Sir 黃浩輝 (左)
----- 廣告 Ad -----
港島徑(50公里)石澳至山頂
一開始上龍脊既進度都唔錯,好似2’16到土地灣,之後7k引水道過大潭採取跑1K行300米既方法,好快就挨過。但跑左16K到大潭馬路既時候實在太太太眼瞓,所以掉低枝 pole 同手握瓶嚮馬路邊瞓左7分鐘,繼續用極慢既速度行去水塘,過到水塘再搵個避風位瞓多15分鐘。之後慢慢行上大風坳~~第三次諗衰野既時間又出現😂今次在涼亭打比 Raymond,我第一句話:「我好攰 腳好痛~」之後佢同我講:「你唔係諗衰野下嗎?」我之後即刻同佢講拜拜繼續上畢拿山😂😂有時候我覺得 supporter 既游說技巧要幾勁,難怪佢做呢行😏上到頂好似有返力,之後就 jog 下行下咁去到油站。一打開油站士多隻門,我見到波仔,係「波仔」呀哈利 😍😍😍😍!
諗都唔諗食嗰肉醬意粉+維他奶落肚😎嚮油站停左10分鐘就繼續上路,心諗25k話咁快啦😏少年我又太年輕喇😑😞呢25k係221裡面最辛苦,好多大斜,更多既係平路,逆走真係不得了~~重點黎喇! 我嚮港四貝璐道第一次走錯路😞係1.5k上斜😪上上下覺得唔對路,一開 tracker 發現真係錯左,Andre 原來已經打過比我,但係我部電話壞壞地,所以成日熄機慳電🙃唯有jog返落引水道……落到去發覺左腳已經痛到痴線,連行都勁痛,嚮引水道尾見到輝sir仲好輕鬆👽果然係超馬高手,我嘗試跟佢上樓梯去到港二涼亭,但係真係太痛所以坐低左。正當我打算再行既時候,我見到 Nicole~~佢真係超堅超 tough! 雖然佢話兩隻腳已經起曬水泡,已經痛到一個點😖但係佢攞住對pole 上山真係快到痴線👽👽👽真外星! 之後我自己慢慢走……去到薄扶林水庫我已經痛到完全行唔到……坐低抖左10分鐘,諗左好多野,諗左自己已經走左221,剩低既只係77,而且時間係足夠既,其實應該要走埋去……但事實就係我應承過自己如果連行都行唔到,就唔可以勉強😪所以最後忍痛熄左 GPS,whatsapp Andre 同佢講我要 retire,同 supporters 求救 🙃
我知有好多好多人,不論我認識定唔認識既都好想我可以完成。有時候跑到好攰既時候我都會開 FB 睇下,你地每個留言都令我有力量繼續走落去,令我一路相信自己可以走到終點。
另外要感謝三個人:
- Andre Blumberg:Thank you for allowing me to join this challenge, it’s surely memorable. Thank you for trusting me a year before when I met you on the needle hill during 9D race. I feel honoured to be one of the participants 🙂 May I have one more request? Can I reserve a place for next year?😅
- Anthony 感謝借左幾件保暖 gear 比我,全靠對 CS 手套我先冇凍 💩
- Frederic IvartInstincttrail HK:Thank you for sponsoring me from July until this challenge, all accessories are nice and well-designed!
每位supporter講過既野我一直記嚮心裡面:
- Raymond:之前練習你問過我有冇信心麥徑做18,我話未必得,你話我一定可以,甚至可以16幾,17’04我做到喇! 坦白講,我嚮北潭涌已經想同你擁抱😂不過我知咁快激動會影響之後既表現,所以我只係表現得好精神😗
- 大Tony:有幾次你叫我一定要麥徑18內,如果唔係就唔車我走😏你既激脹法好有效,多謝你
- Frankie:已經唔記得有幾多次聽你講話只要跑完港徑已經係贏左,雖然仲差7k先到😅但我下年會將你呢句拓展到跑完鳳徑先叫贏左自己
- Terence:呢幾日真係好辛苦你,幫我安排曬嚮車上既一切,包括膳食、交通…仲要車埋我返屋企同幫我揹袋🙏🏽無限感激
- JoJo Kyaw:雖然你睇住我 quit 但其實你既出現已經係對我既肯定,多謝你!
- 阿文–雖然你新年要返工,但係都晨咁早搭地鐵入屯門睇我起步,無言感激!
- Plato:好多謝你嚮未瞓醒既情況下都跑過黎睇我起步,你對TNF鞋真係極好著極好跑,感謝你借我著足成條麥徑!
![](https://i0.wp.com/fitz.hk/wp-content/uploads/2018/02/HK4TUC-香港四徑-一年前的約定-我的夢想之旅-2.jpg?resize=766%2C580&ssl=1)
針山
你地七位對我既信任同肯定一直嚮呢221期間燃燒,令我一直都覺得自己可以走到最後。到宜家呢一刻我都依然相信,只要我左腳 hamstring 冇事的話,我一定會走到最後。
不過現實就係–沒有如果,只有結果
自己仲有好多不足地方需要檢討同強化
跑山係我既唯一
5-7-2-2019 再見
I’ll be back next year
「如果你都不曾相信自己的夢想,你又憑什麼叫別人相信你可以?」—陳彥博
我係帶住呢句說話超越左自己106公里,115公里後既每步都唔容易。
Fitz Facebook專頁
[HK4TUC 香港四徑] 黃浩輝 為橫越美國3500英哩做準備
[新西蘭Taupo Full Ironman] 明明已經過226 點解仲要452?
Fitz Running 跑步