[HNR沖繩環島跑] Day 5 國頭村 > 古宇利大橋 > 美麗海水族館

Team HNR 2018-05-22

Day 5 – 47km 國頭村 > 古宇利大橋 > 美麗海水族館累積205km

中文老師教落寫文要由結論講起，三樣嘢：第一，洗唔洗咁靚呀；第二，上斜上到喊；第三而且詢問度極高嘅一個，無住 resort 呀，你唔厭我都厭啦 (無咁串啦，係遲 book 兼捱唔起貴租啫)

告别國頭村之後，我地經返原路走，以為無乜影相位可以速戰速決但都搞左一陣，沖繩嘅海實在太唔真實地靚。平坦嘅國道58號係屋我地島完結，係島上面遠望碧藍嘅海，仲要清到係橋上面都見到水底啲石，話自己去左地中海真係有人信。值得推介嘅係島上嘅 tourist centre 間小食堂，貴就貴左少少但係有麵有飯有海葡萄，實在係劏ing us so softly

出左島就係國道511號，嘩，佢老_上完又上完又上上上，宗sir 話我 dup 曬頭咁，我破緊風等對腳無咁大負荷咋! 地心吸力真係好辛苦，途中有一條新橋好得意，一邊係碧藍嘅海一邊係普通咁嘅色，真係想跳 bungee jump 落去睇下條分隔線係點。臨收尾入左條114路去本部町嘅美麗海，佢個水族館基本上去親沖繩好大機會都會睇埋，條路又係林奕匡首歌唱得一半，有高山冇低谷，唔係同 Yvonne 停低假問嘢真抖氣 (係我咁諗啫)，我估我四頭肌應該爆到年初二煙花咁。