轉咗做職業選手近兩年，日本長跑好手川內優輝竟然喺田徑場上老貓燒鬚。星期六 (4月3日) 川內參加「東京陸協中距離挑戰賽」800米項目，跑第四都唔算特別，賽後更被大賽取消比賽資格，原因係佢對鞋唔合資格。
原來川內執錯鞋去比賽，佢將外型同顏色大同小異嘅 Asics Tarther RP 當咗係 Sortie Magic RP5。以川內嘅能力，著錯鞋都唔會對佢有太大影響。之不過，呢場比賽規定跑鞋鞋底唔可以厚過25mm，就算川內喺賽前將鞋墊拎走，亦唔符合大會規定。所以，川內就咁被大會DQ，完全無情講。
Sortie Magic RP 5 (上) Tarther RP (下)
川內星期日仲會出戰5000米賽事，佢話呢次包無甩拖，唔會再畀人DQ。
資料: Yahoo! Japan
張伯倫
自細肥仔一名，後來因發現患有脂肪肝，決心多做運動注重健康，曾參加並完成毅行者，關注所有健康資訊。