2月5日，40歲男子 David Eliuk 以 2:43:30 完成加拿大溫哥華 Hypothermic Half Marathon (低溫半馬賽)，成績同佢PB嘅1小時26分相差甚遠，不過 David 呢場比賽打破健士世界紀錄，原因係佢著住120件tee跑足全程。
David 起步前搵咗兩名助手幫佢著衫，由貼肉緊身衣、細碼中碼大碼tee，一直著到去加加加加大碼 (XXXXL)，前後用咗35分鐘著衫，重量達48.5磅。一次過著住咁多件衫影響上身血液流動，令 David 手部麻痺，所以21公里賽事入面，David 一路跑一路都有人幫佢按摩。
2小時43分之後，David 完成半馬，而依照健士力要求，佢要喺15分鐘內除低身上所有tee。結果佢不負眾望，限時之內完成，待有關方確認後，將成為新嘅健力士世界紀錄。
David Eliuk 曾經於去年2月以94件tee創下紀錄，但其後另一位 David (David Rush) 以111件tee打破其紀錄。
資料: Runner’s World
自細肥仔一名，後來因發現患有脂肪肝，決心多做運動注重健康，曾參加並完成毅行者，關注所有健康資訊。
