踏入2023年，女排有多場重要賽事，包括世界女排聯賽、亞錦賽、亞運會以及巴黎奧運會外圍賽。主教練蔡斌喺兔年第一次集訓，竟然唔係打排球，而係拉隊軍訓。
一班中國女排球員，早前去到浙江溫嶺民兵訓練基地，進行10日軍訓，據報「要把紀律和作風當作首要任務來抓」。教練蔡斌話，集訓時天氣寒冷，環境惡劣，但係隊員喺艱苦之下訓練，都得到相當好成果。教練仲話，軍訓可以話係中國女排嘅一項傳統，喺郎平執掌時代，隊伍亦試過軍訓。
自從教頭郎平離任之後，中國女排仍未回復昔日氣勢，唔知呢次軍訓可唔可以幫到中國女排重振聲威呢?
資料: 搜狐
