颱風山竹過咗成個月，街邊嘅冧樹、樹木殘枝仍然隨處可見。山野嘅清理更為困難，影響所及，幾場山賽都需要改道或延期。
終於，漁護署於10月12日發出喜訊，麥理浩徑已經全面重開!
麥徑重開，意味11月16日舉行嘅樂施毅行者，應該唔使改道，可以如期舉行。
當然，實際係點留待樂施會嘅官方嘅公佈。不過對各位準毅行者而言都值得高興，因為山徑重開，剩番呢一個月可以實地操練，熟習賽道。
但是，重開後嘅山徑亦需要留意:
- 山徑雖然開通，但或者仍有樹木殘枝或枯木堆積喺路邊。山徑未必好似之前咁寬闊。大家要互相忍讓。
- 颱風過後，唔少樹木吹倒跌入樹叢。呢個枯樹一時未必會清理得到，時值乾燥季節，山友記得小心火種
- 山徑沿途嘅士多、餐廳，仍未必可以如常服務，操練時請先了解情況，預早制訂補給方
資料來源: 漁農自然護理署 Agriculture, Fisheries and Conservation Department
Fitz 編輯部
我哋坐唔定、無時停，唔做運動唔舒服! 只要係有用知識、重要資訊，以至好玩話題，Fitz都會全力搜羅，同時鼓勵「郁民」齊齊參與，打造一個開放嘅運動生活資訊平台。