[毅行大叔．何亨] 好兄弟，大家乜都唔使講!

家聯 2018-11-13

字 Decrease font size. 字 Reset font size. 字 Increase font size.

男人，肯肯定係地球上最麻煩嘅動物。當中，以嗰啲懶係潚灑懶係有型嘅大叔，更加係超級麻X煩。呢啲麻煩男人，又稱麻甩佬，口頭禪就係「好兄弟，大家乜都唔使講!」

「乜都唔使講」呢五個字，可以話係另一種男人的浪漫。大家唔講嘢，咁講乜？講心囉! 咁仲唔浪漫？

呢次同「毅行大叔」何亨做訪問，佢亦都依足人物性格設定，同我「乜都唔使講」，丟低幾個名，要我串連出佢嘅毅行故事!

----- 廣告 Ad -----

呢個毅行大叔，就係咁麻煩!

我與劉偉恒盲舂舂上山

劉偉恒，現時是電影導演，作品有《王家欣》、《某月某日》。在商台日子裏，他倆以「兄弟」相稱，又係嗰啲「乜都唔使講」的關係。

早年樂施會由英軍手上接辦毅行者，而商台當年亦大力推廣這類健康活動 (仲有當年無乜人報名嘅渣打馬拉松)。所以，當年毅行者都會有一至兩隊商台隊伍。而何亨、劉偉恒等商台員工，或因利成便，或受公司指派，有緣接觸這一項山野活動。

其時二人對行山一無所知，大家踏足山頭就如大鄉里出城。何亨憶述，有次跟KK Sir陳國強上山操練，天陰陰，有幾陣雨……

「當時心諗阿sir陪操，點都要頂硬上。但當日行麥理徑第四段，泥水好似瀑布咁，我當然好想走，就諗到條天橋。我即刻問kk如果行雷點? 阿Sir秒速回應:『行雷先算!』點知最後冇行雷!」

結果顯然而見，他們當日依劃在雨中操練，全身濕透而回。

----- 廣告 Ad -----

今年年初，在山徑巧遇KK

到了正式毅行活動日，何亨還是那副「帶著烏眉上山」的模樣。到了鉛礦坳，大家看到他半昏半睡的樣子，不知是洪松蔭還是誰，拿出了一包十幾年前在山野很罕見的 power gel，著何亨一吞而下。

何亨那時還不知世上有如此神物，吃了一包 power gel 之後，即時精神體力充沛，更處於「過份活躍」狀態:

「嘩，我咁大個人，第一次啪 gel 咋，根本唔知啲 gel 原來咁犀利。我食完之後，high到傻鬼咗，沿途仲拎支行山杖周圍打!」 (何亨今日補充話:「當時好攰但係又好有力，我要發洩吖!」)

「食 gel 食到似標童」，也是何亨流傳今至的一段傳說。

及後，我進入電台工作時，好像也沒有聽過劉偉恒有行山習慣，而何亨仍繼續有參與每年的毅行活動。但兩位「好兄弟」，仍會互相支持。

今年街馬，何亨與劉偉恒相約比賽

多年之後，何亨與偉恒二人仍有相約跑步。原本想找劉偉恒談一談二人當年行山的經歷，但劉大導要離港拍戲，他以短片回憶當年:

兄弟二人，「乜都唔使講」，點解講呢啲?!

我與何良的一段情

圖片來源: 明報

----- 廣告 Ad -----

何良，原名何國良，任教於理工大學應用社會科學系，於2004年與何亨主持商業一台節目《為人民服務》。

那時，商業電台在人事及節目上發生了巨變。鄭經翰在商台大樓被襲，節目《風波裏的茶杯》被腰斬，其後發生鄭經翰與黃毓民二人「封咪」、電台高層梁文道、蔡東豪離任，俞琤重掌電台，節目進行大革新。《為人民服務》這個節目，最初是想打造成繼《風波》之後，另一個為民請命的電台 phone-in 節目。

這個節目反應如何，也不在這裏討論。值得一提的是，何良對別人的感染力十分驚人。他能帶動身邊的人正面思考，更能激發大家的潛能去面對挑戰。那時何良每年都有參加毅行活動，我們一班同事，也因他的關係，積極地去練山操山。更甚者，試過邀約聽眾參加毅行者，帶住兩隊大叔，浩浩蕩蕩行足100公里。

結果，我們一班商台的小薯仔，就被他「誘騙」了上山，後此不能自拔了。而何良何亨，他們以「愛人」相稱，二人關係非比尋常，何亨亦被逼投入 (見上篇)。

多年之後，《為人民服務》節目壽終正寢，有人也離開電台，大家各散東西了。何亨也暫別了電台行業，投身商界。

多年之後，何亨、劉偉恒、梁禮勤在港台重聚

從地獄折返人間

何亨離開商台之後，我與他簡直是失去了聯絡。他的電話號碼長期打不通 (他神奇地有三四個電話號碼)，舊同事聚會也永遠沒有何亨影踪。而在我的印象中，那時的何亨長期要回大陸工作，甚至有人說他搬了上大陸定居。至於他這段期間做甚麼工作? 同事間不甚了了，有人打趣說他因走私被控而坐監，或得罪了大陸權貴被困內地。

到今天，何亨終於給大家一個交待，他形容那段時間是「活在地獄的日子」。

「嗰陣我返咗大陸，叫做搞下生意。其實我唔講大家都想像到，返大陸做生意，除飲酒就係飲酒，飲酒䝰間多過辦公時間。嗰幾年，我就好似生活喺地獄之中。」

何亨說，當他回到香港之後，決意要重過正常生活。返回電台工作之後，再始重新建立行山、跑步的習慣，這就是他重回人間的手段。

----- 廣告 Ad -----

那時，劉偉恒仍然一call即到，二人甚至去參加長跑比賽，何良也發揮他感染別人的特質，將何亨再次帶到山頭。

「大概2015年，我同何良開始 keep 住行山。2016年大家再次組隊參加毅行者。好可惜，嗰次有隊員受傷，喺針山剪帶。」

2017年韓國毅行，何良與何亨在食物中毒之下互相扶持。

韓國毅行

也許是為了復仇，也許是為了貪新鮮，2017年，何良何亨聯同獅子山精神隊出戰第一屆的韓國毅行者。結果，因為誤判賽道情況，以及臨場進食大會補給後食物中毒，一行八人全部都鍛羽而歸，需要中途退賽。

「韓國嗰次，我原本好雄心壯志，就算做唔出好成績，都希望可以完賽。開步後，最初都行得幾好，就算無預計有要上咁高嘅山，但都可以應付到。不過我同其他隊員相繼食物中毒，而我去到海拔1500米時，嘔吐大作，仲一路行一路嘔一路嘔一路屙，國家公園既管理員出手相助下，送我們回到山下 CP 後繼續行程。我同自己講一定唔可以放棄，入夜後體力下降，意志消沉見到掃尾隊工作人員。唉! 最終去到 CP5 見到獅子山精神隊長Law少同隊員潘潘、Chloe、Leo 我們商量後決定剪帶上車。」.

今日，何亨對住我話:

「放棄唔容易，毅行係四個人的事，我要復仇! 我要復仇! 我要復仇! 終於喺2017年毅行者，我拍住獅子精神隊以37小時完賽!」