[渣馬備戰攻略] 買對新鞋落場好唔好?

問: 仲有一個月就比賽，買對新鞋比賽好唔好?
答: 未嘗不可，不過記得「開鞋」。

面對鞋商鞋舖蜂湧而至嘅4%、5%、10% (指折扣)，唔少人都有衝動買番對新鞋 (甚至幾對) 去比賽去。著新鞋係咪會快啲呢? 絕對因鞋 (同因人) 而異，不過正所謂「輸人唔輸陣」，新鞋跑比賽至少靚啲型啲，返到嚟張中槍相都光鮮啲。

新鞋的缺點

但記住，新鞋除咗靚啲、乾淨啲之外，比起舊鞋反而有好多不足之處:

1. 每一對新鞋都可能有令你不適之處 (如刮腳)，而呢啲問題可能會著一排先發現
2. 唔少跑手話，新鞋剛出廠，會比舊鞋較硬
3. 新鞋鞋底防滑未入狀態
4. 每對鞋剪裁、製作上都有略有不同，要時間適應

所以，新鞋買返嚟千祈唔好即刻用嚟跑比賽! 而要將跑鞋達到比賽水準，就要識得「開鞋」。

開鞋4步曲

1. 一般而言，每對新鞋至少累積使用20公里，先好穿著落場比賽
2. 開鞋就係將對新鞋用喺唔同用途，包括步行、慢跑、變速跑，以至衝刺跑，令新鞋接受唔同情況嘅狀況
3. 測試唔同路面情況。運動場地面太靚，對開鞋反而有不足
4. 如果覺得新鞋唔舒服，可試下用唔同方式縛鞋帶，令新鞋更貼腳

Fitz連結: https://fitz.hk/?p=110731