[樂華半馬精英賽] 川內優輝鋒頭勁過姜B

由

2019-01-06

Fitz > 運動 Sports > [樂華半馬精英賽] 川內優輝鋒頭勁過姜B

剛過去嘅周末 (1月5日及6日)，本地舉行多場重要比賽。港島徑有標榜「香港首個女子山賽」嘅「逆之女」; 新界有UTMT，但係最受注目，肯定係1月6日於大美督舉行的「樂華半馬拉松100分精英排名賽」(樂華杯)。

樂華杯參賽門檻甚高，半馬成績達100分鐘才可參加，不過焦點當然落在川內優輝身上。川內剛於2018年奪得波士頓馬拉松冠軍，加上佢以業餘身份跑出成績，成為不少香港跑友追捧對象。

舉辦今次次比賽嘅樂華長跑會，由川內到埗開始貼身招待，而不少喜愛川內的跑友，亦趁機會親近偶像。比賽當日，更有不少人專誠湧到大美督一睹川內風采，蜂湧程度有如近期備受粉絲追捧的姜B (姜濤，19歲娛樂圈新星)。

川內友善的作風，深受跑友讚賞，所以就算偶有受到滋擾，川內仍表現得非常得體及禮貌。有如此高水準跑手來香港參賽，實在令本地跑友得益不少。