兩年，由3km走到sub-3

由

2019-03-04

Fitz > 運動 Sports > 跑步 Running > 兩年，由3km走到sub-3

兩年，由3km走到sub-3

你話係咪癡? 你話係咪癡? 有睇開文都知我都好少講速度 (都無咩資格講)，旨在長跑長有⋯⋯

但面對眼前呢個斯斯文文嘅社工朋友，唔寫以上標題都對唔住自己 (同佢）。認識 William 係喺幾年嘅精神復康活動，當時佢完全未玩長跑，而開始投入有兩大原因:

William 就開始踏上跑步之路……

人容唔容易受到其他人啟發，我就唔知，但堅持同埋有好嘅夥伴先至係成功關鍵，因為要一個自細都係要「lur」先入到足球隊嘅人，又點會估到自己喺長跑路上會越戰越勇?

喺呢度必需要講講社福界嘅生態，因為唔同行業嘅人之能夠達成 sub-3 嘅目標，背後都有唔同嘅動力，William 或者喺睇到體制嘅一啲不能改變嘅地方，呢種情緒反而可以喺練習度好好發揮。只有一啲好重要嘅原因先會令人將工餘時間嘅一半以上都變成練習，就連休息都係練習一部分。

能夠有一個自主行動成為你生活基礎，咁先會有生命力，一種不斷追求嘅生命力。

當然，香港人最想知都係點樣由3km走到sub-3，William 話由自己跑3km到去參加吳師傅嘅跑步訓練，開始1km interval 跑戰，大約係跑幾快唞幾耐嘅1:1比例開始，先挑戰嘅就係速度提昇，多過耐力考驗。

到食到十隻1km自然跑到10km，所以第一次跑10km成績係47分鐘，pacing 已經係4:42 一公里。時間係2017年尾，全馬之前其實無咩長距離賽經驗，只係跑過10k賽。

所以為咗備戰，自己安排了15km 賽， 2場半馬，作為mock，然後2018年1月21日渣馬半馬跑1:24。

2018年2月初馬，喺世界遺產姬路城馬拉松全馬成績係2:58:28，sub-3。2018夏秋，就多咗參加了山賽增強耐力。

不過高強度練習都總會帶嚟受傷嘅隱憂，所以就無再增加1km interval嘅速度追求，到最近第67回勝田全國馬拉松大會成績係2:55 (2:50)，賽事途中都覺得下背係有唔舒服，但反而會問自己點解唔睇吓自己可唔可以4分pacing捱到30km先，捱到就照去。

憑著呢份無邏輯嘅執著先可以再一次PB。

佢見到練跑嘅師兄可以一個星期練兩晚interval，可以每星期練過百km，佢慶幸自己每星期70km，都出到成績。

或者 William 好快透過有效嘅練習將個成績推到近乎極限，直頭好似功夫入面周星馳俾人打到全身散哂先知自己係骨格精奇，但係佢依然無放手。

佢依然希望透過練習，PB到一秒就一秒。

原因? 或者係無原因。

或者係好似佢身邊一個足球教練咁，佢嘅工作就係以學無止境，永遠進步咁去外地觀摩、訓練、實踐，一天有能力一天都突破下去

P.S. 每一位認真嘅跑者都具有影響力，雖然佢太太跟唔到佢速度，一樣都已經培養咗跑步習慣，因為跑步所流嘅汗真係會發光架。