Fitz > 運動 Sports > 跑步 Running > [首屆中國警察馬拉松賽] 澳門女警吳楊楊封后

6月16日,全港香港二百萬人上街當日,中國嘅福建晉江舉行咗「中國警察馬拉松賽」。比賽為半馬距離,參賽者來自全國31地3000名警察,包括公安、輔警、警校學生、獄警等,國內媒體更形容佢為「最安全的馬拉松」。除咗賽跑之外,呢班警察仲趁住比賽宣揚防詐騙、防黑,以及禁毒等資訊。

按: 依照編制,武警屬軍方系統,所以唔算係警察;而城管雖然惡過公安,不過佢哋係市政人員,所以無份參加。

男子冠軍代俊峰
女子冠軍吳楊楊

講返今次比賽成績,遼寧省沈陽第一監獄獄警代俊峰,以1:11:54獲男子組冠軍;而澳門治安警吳楊楊,就以1:29:35獲得女子組冠軍。翻查吳楊楊資料,佢除咗贏過澳門長跑聯賽冠軍,亦係澳門國際馬拉松女子半馬冠軍。之但係,既然「澳門治安警察」已經係「中國警察」一份子,咁香港警察又有無份呢?

大家都是中國人,不要分那麼細! 上去跑步或者疑似落嚟「參與」遊行,又有幾出奇呢? 下面呢條片,都已經話咗答案俾大家啦……

資料來源: 新浪網

Fitz連結: https://fitz.hk/?p=121605