6月16日，全港香港二百萬人上街當日，中國嘅福建晉江舉行咗「中國警察馬拉松賽」。比賽為半馬距離，參賽者來自全國31地3000名警察，包括公安、輔警、警校學生、獄警等，國內媒體更形容佢為「最安全的馬拉松」。除咗賽跑之外，呢班警察仲趁住比賽宣揚防詐騙、防黑，以及禁毒等資訊。
按: 依照編制，武警屬軍方系統，所以唔算係警察；而城管雖然惡過公安，不過佢哋係市政人員，所以無份參加。
男子冠軍代俊峰
女子冠軍吳楊楊
講返今次比賽成績，遼寧省沈陽第一監獄獄警代俊峰，以1:11:54獲男子組冠軍；而澳門治安警吳楊楊，就以1:29:35獲得女子組冠軍。翻查吳楊楊資料，佢除咗贏過澳門長跑聯賽冠軍，亦係澳門國際馬拉松女子半馬冠軍。之但係，既然「澳門治安警察」已經係「中國警察」一份子，咁香港警察又有無份呢?
----- 廣告 Ad -----
大家都是中國人，不要分那麼細! 上去跑步或者疑似落嚟「參與」遊行，又有幾出奇呢? 下面呢條片，都已經話咗答案俾大家啦……
資料來源: 新浪網
Fitz連結: https://fitz.hk/?p=121605
張伯倫
自細肥仔一名，後來因發現患有脂肪肝，決心多做運動注重健康，曾參加並完成毅行者，關注所有健康資訊。