根據維基百科所講，西式飛鏢的定義是：「是一種用手將前端使用金屬製作，後端具有尾翼的細長鏢具投擲至靶子，並講究投射精準度的運動。」簡單講，即係將一支短幾十個碼的箭狀物，唔用弓，而係用手將仍由2.73米之外掟到靶上。有別於日式飛鏢。
飛鏢雖然體力要求低，但重技術，目標性高而且要贏仲要食腦識計分，所以近年有老人中心開班教一眾老友記掟鏢，一來貪佢設備簡單，「一靶三鏢」室內已經玩到，二來目標性大，對退休人士而言，缺乏目標先係天敵，有目標就無咁易出事！最後一點就係要計數，同打麻將一樣，要贏就要計數，計數就可以幫助阻止一切腦退化病，最後仲可以一邊玩一邊同朋友傾計談心。一個靶，三支鏢滿足四個願望，抵到爛！
「在我老到就死的時候，身邊還有一班老死一起玩，人生一大樂事。」
小明學掟鏢
平凡身手，飛鏢新手。身高比正式規格的鏢靶紅心距離地面還要少，換裝備的頻率比得上女人換手袋的進度。想過一個完美生活，但人生卻如01Game一般，不曾出現Perfect Game；想當白馬王子，但CRICKET不曾打出白馬。