新一年有咩新搞作 ? 緊係試新野！話說小女子上年開始接觸到好多喜歡行山和露營的「營人」，於是多咗機會行山露營。趁農曆新年香港人去晒旅行，決定趁機會去感受一下訓喺懸崖上的樂趣。
加上近年行山行多咗，終於決定要一棄著跑鞋行山嘅習慣，而真真正正的置返對行山鞋！新鞋落地，感覺很好啊！
----- 廣告 Ad -----
東龍洲
將軍澳／清水灣對開小島，環境優美恬靜，有多個露營地點。最正係島上有多間士多餐廳，唔駛擔水擔到癲！
前往東龍洲只要在油塘對出三家村碼頭乘船，票價一人$45來回，非常方便。
圖片來源：綠洲Oasistrek
我同兩個「營人」一早計劃初二露營，因為係年初二既關係，去東龍洲船次少左，我地就坐尾班船到目的地。唔駛行太遠又可以睇到我最愛既海洋，雖然話唔駛行太遠，但都係要行大約十五分鐘，如果唔係點試到我對行山鞋呢～
平時行山都著波鞋既我，今次用到行山鞋，同波鞋感覺分別好大！因為波鞋底比較平，花紋比較淺，鞋面比較簿唔太扎實，行山路或者碎石路時會企唔穩或者會扭到腳。
----- 廣告 Ad -----
而今次著對行山鞋個鞋底係橡膠硬底，鞋底粒粒比較粗大，防滑感覺良好，比較抓地。
鞋頭比較闊身！
鞋面仲係「哥踢屎」(Gor-Tex)防水物料，所以比較厚身同冇變形既現象。
因為我個人比較心急，唔係成日行好長途同難行既路，所以選擇左低筒型靈活高D。雖然今次唔係行好遠路程，但都有啲碎石路凹凸不平既山路感覺都非常穩陣！無選擇錯誤啊！
營人原來亦係攝影兵，你睇下影到我對鞋幾靚！
賣完廣告勒，講返東龍洲hehe！去到營地，由於見到已經有幾個營喺度，我哋又任性地尋找比較隱秘的地方！
於是我哋搵到呢個地點，地點喺懸崖上面，三面環海，而且遠眺清水灣鄉村俱樂部，又非常隱蔽，於是拿拿林。。。開張凳坐低！留返紮營嘅嘢比兩個營人，我就歎世界！
----- 廣告 Ad -----
卒之大約三點，就已經兩個營都起好：「三點盡露」！
啊 My Love 啊 Ichiban!
到咗夜晚，我哋明白點解啲人唔起喺海邊。。。真係幾大風架！
到咗第二日我哋食完早餐，就搭下午兩點半船返出去油塘，然後直接係油塘又有紅Van 去旺角，真係方便。
總括黎講，東龍洲真係一個非常好的露營地點，不過今次露營沿途一直見到路邊有不少垃圾，盼望大家可以愛惜環境，唔好留低任何垃圾啦！
----- 廣告 Ad -----
更多：
Fitz.hk Facebook專頁
小學雞女行山驚見大鵰! 誰不知…（Buzz*** 口吻）
床上運動初體驗
向著太平洋流的鹽血，香港人到台灣花蓮衝浪小記!
PingTing C@Fitz.hk
