寫給港．跑女的跑步禮儀篇

跑步咁悶! 仲有咩嘢好寫呀? 古語有云:「鑊鑊高潮，鑊鑊新鮮」。剛過去週六的六千港．跑女夜跑不就是洗了Facebook版嗎? 在留言裡，見到主辦單位捱罵，亦見到出現較多的字眼如runners’ manner 或者 runners’ etiquette.

Google一下, 發覺在香港關於跑手禮儀的中文的資料很少。不如由我試吓，寫得唔好，記著留言插呀喂。

1. 你未必同意某些規則，但作為參賽者，你有責任遵守
2. 起步時，如果情況有啲似「雷霆救兵」開頭廿分鐘，便要格外小心，更加唔好妳推我撞，互相批踭。見過有跑友起步時給踏甩鞋，隻鞋被三角短傳，踢來踢去，睇到執唔返，好很狼狽
3. 起步時，跌咗bra都唔好執著，會被後面湧上來的人踏死，等主車群散得七七八八先至好執
4. 如果只能夠完走兩公里，就不要sign up十公里比賽，可以考慮參加其他類型fun run
5. 日本女跑友告訴我若她們報了比賽，不論是十公里﹑半馬或全馬，她們都會專心一意地訓練自己,務求完走，是「走」不是「行」。認真準備是對比賽和其他跑手的起碼尊重，不要做「年度跑手」
6. 起步時不要掛著selfie，打卡，whatsapp，現場直播。跑步時不要急停自拍
7. 不要像 Sex and the City一樣，四條女手拖手一齊跑，依家唔係去廁所，唔使一齊嘅
   

   網上圖片（按圖放大）

8. 即使走失其中一個，千祈唔好逆線走返轉頭搵人，終點見啦
9. 用跑步App的話，用flip belt或類似腰belt袋著手機，避免用armband，除非妳諗著界其他女或仔
10. 可以的話, 唔好邊跑邊聽歌。無論是用耳筒或手機speaker。我試過擺手時，隻手繑到耳筒線，要齊齊上岸解結。藍芽都不建議，戴耳機不僅容易造成自身危險，更可能危害他人安全。建議比賽日就拿下耳機,這樣會更好的注意到身邊發生的可能突發狀況。用speaker炸機更加唔好, favorite playlist呢味嘢，同妳條仔一樣，妳覺得正，其他人未必跟妳睇法一樣
11. 叫妳條仔或佬或隻兵不要鳩衝出跑道替妳影相，會攬炒的。龍友就控制不到，只有各安天命
    

    圖中呢兩條___，人人得而誅之。 (圖片來源: Emily Chu 貼於 Nike Running Hong Kong; 按圖放大)

12. 不是每個比賽都會劃定預計完成時間起步區，當人人都想贏在起跑線時, 情況會相當混亂。應該想想自己平日練習的水準，快腳便排在前面，慢腳則排在後面。排前頭的跑手若慢慢跑的話，則大量人潮就會停滯於起跑線之間，是相當干擾比賽的行為
13. 知妳想PB, 而前面條蛋散又阻著妳，但儘量不要心急地左右穿插﹑斜線切入。如果要爬頭的話，都從前者的右手邊越過，並有足夠嘅距離才慢慢切入。有些院友會講唔該借借，on your right, on your left. 如果前者聽緊歌，可以輕拍他的手臂或肩膊
14. 當打算上岸時，請先回頭望一望跑道，有沒有人在後面緊貼才減速，避免後方煞掣不及
15. 不要跟車太貼
16. 上線時已經set好哂app﹑追好星﹑幾耐報一次pacing﹑跑咗幾耐﹑幾多等等，一撳就開始計時測距離。千祈唔好一路跑一路set
17. 知妳見到血會暈,如果懂救傷的話，不要見傷不救。唔識就請記住他的號碼通知在場工作人員
18. 不要把便利雨衣隨手丟在賽道上，如果你真的需要用它來保暖，暖身後可以把它繫在腰間或者捲好放在路邊，以確保不會把其他人絆倒
19. 在比賽中有些身體機能是無法控制的，比如吐痰、擤鼻涕、嘔吐。請記住靠近路邊做，ok？你都唔想被攪到一身都係架？
20. 如果你需要停下來綁鞋帶，請離開賽道移步路邊進行
21. 衝線後，請繼續往前走，不要停留在終點selfie
22. 見到不太上力的院友，跟她說加油，輕拍肩膊或thumb up都得
23. 唔係渴死的話，不要擁著水站第一張枱，最後一張反而無咁迫人
24. 留意自己跑姿，不止是慳唔慳力問題，而係好唔好睇問題, 有些女生跑姿真是見到時會O哂咀。除非妳是Paula Radcliffe，否則跑起上嚟靚唔靚係重中之重，騎呢跑姿入鏡的話，咁就一世
25. Set靚個頭，保證跑緊同衝線時唔會披頭散髮，成個癲婆咁。點set，可以請教蝦嫂﹑靚媽Joanne同烈女，她們跑全馬時，一條頭髮都無郁過
26. 同去clubbing一樣，要悉心打扮和配搭，取悅自己之外又要靚絕全場
27. 不要像宇宙漿，跑跑吓時突然鳩叫，會嚇親人的。見識過師兄會，唔知道師姐會唔會?

更多：
Fitz.hk Facebook專頁
港版跑步53條
越跑越窮至真
Yiu Kwong Chan＠Fitz.hk
Fitz Running 跑步