跑步一啲都唔L悶
八十年代興打網球，我當時係大角咀街坊福利會第1號種子球手 (會社有點似周星馳在喜劇之王工作個間，不過小朋友是有著褲的)，後來越來越難約腳，而我的宿敵又移民去了三藩市，被迫收山。四肢不勤，加上暴飲暴食，體重急增。過馬路趕紅燈都會氣喘，最後痛定思痛，開始跑步減肥。家住麗港城，知道官塘海濱長廊啟用，不知多興奮，拖著豬一樣的身形去試路。
----- 廣告 Ad -----
以為已經是夜深，應該四野無人。怎知有班MK妹在劈酒，可能飲大咗，見到我時, 她們大嗌: 「死肥佬，跑咩步呀，食屎啦，瘦得仲快呀。」跟著就向我『爆樽』。
X你老味，我已經匿埋練啦，你仲想我點，肥又點唧，就係因為肥，所以跑步，邊L到得罪你呀! 以前跑街是會給途人投以奇異目光的。
勢估唔到，現在跑步會從枯燥變成為最L in的活動。個個『偽人』都想抽馬拉松水，坊間還有不少各有特色的跑團﹑跑步班﹑跑步群組，只要找到一班癲喪程度啱你的『院友』，跑步是一件賞心樂事。
今日報L到未
同一日有揹水一戰，海外有名古屋女子馬拉松同City Marathon，前一天有大魚100，50同25 公里賽，應該攤薄了報名人數，SOGO Run依然秒殺。有『院友』開著四個browsers，三部手機，望著屏幕只見到error message，他問自己人生又為了什麼。
而我就要打賽事受惠機構「生命熱線」，因為張form我填L咗30次仍submit唔到。我依家好睇L唔開呀!
在香港，跑步其實不難，最L難係報名.
----- 廣告 Ad -----
報L到不表示跑到
好cliché講句，地球先生病咗喇，佢應該唔會好番。氣候變化只會越來越極端，不是聖誕節有颱風，橫風橫雨，便是暴寒十幾度。賽事因此而取消或腰斬。
天氣嘅嘢，我地真係識條鐵咩。天災之外，還有人禍。若果跑經『天富海灣』，『食蕉』係會出來終止賽事進行，因為跑手製造噪音和阻礙緊急車輛通道。
年初的Hong Kong 100也因為氣溫急降，地面結霜，會對參賽者構成危險而腰斬。愛食花生的香港人一面倒話參加者抵L死，更多香港人仲嫌被困山上或受傷參加者死得唔夠快，紛紛開車上山睇結霜，阻礙消防車前往救援。
天氣冷，都不及香港人心咁L冷。
有L得跑就跑
圖片來源: 蘋果日報
天水圍有工程，明年可能無ASICS 10公里、經『天富海灣』的比賽不會被批、大嶼山要發展，什麼大魚、Twin Peaks，全部『收皮』。
----- 廣告 Ad -----
郊野公園要發展，毅行都要bye bye。自己去南生圍自私跑啦，又話即將發展成12棟商場（Outlet Mall），面積接近10個香港大球場的草地，即係唔L使跑。
去運動場跑，跑團同跑步班加埋都成七八個，locker又借哂，個場迫L到爆，而且經常有大媽係度赤腳散步，搵到條直線跑都好L難。跑吐公啦! 不過好似跑落單車徑會被拉，唔拉都會畀單車友小爆。
唔通好似某政府智囊話其實可以返Big 6 肛門『燒肺』，肛山如此多fun，行山﹑跑山﹑跑比賽都可以啫。點解一定要係香港?
不如跑「真」Big 6，香港有代理，波士頓三萬九起﹑倫馬兩萬二起﹑東馬萬五﹑NYC馬四萬起﹑芝馬柏馬要自己報，我覺得貴，原來香港同毗鄰國家的跑友不知幾L豪，兩三年時間就跑哂佢，之後再re loop。
其他山旮旯或較特別地方的馬拉松如俄羅斯﹑克羅地亞十六湖等都是一開團即刻爆。
克羅地亞Plitvice Marathon去片:
Plitvice Marathon from Kaos on Vimeo.
所以，now I run every race as if it’s my last。
每一次跑比賽，我都毫不留力地當告別賽來跑。因為不知道下次再有沒有機會來這裡跑。
In Hong Kong, life is fxxking runderful.
Fitz.hk Facebook專頁
激辯 – 馬拉松
Pakho，你知唔知道衰咗『柒』宗罪?
記第一代跑手博客—馮兩努先生
Yiu Kwong Chan＠Fitz.hk
Fitz Running 跑步
