四十幾歲人才喜愛跑步

回想四年前的我的確算是一個身體發褔了不少的一名中年男士，由於幾乎係零運動，又煙又啤酒，身型腫脹到極點，名正言順是一個「中坑」。

找藉口去逃避問題有很多方法，但令我的起心肝去減肥的原因就係「小朋友」。事緣小孩有次挑我機話鬥快游水，作為一個父親當然不能抵擋，結果當然是小孩贏，而我在這50米的距離下已游得死去活來，亦都是這個原因令我堅決去減肥!

那時候我對跑步知識完全係零，不知道甚麼叫 pacing，只知道每隔兩日就落街跑一轉，兩公里，四公里，直至第一個十公里。加上每次回家就只有低糖飲品同燕麥作補給，大約用了三四個月時間身體好快由35吋腰去到33吋 (現在31)！

除了身體岀現了這極大變化後，亦對跑步興趣亦增加很多，同時亦開始去報一些比賽去挑戰自己。2014年10K 渣馬就係我第一個比賽 (時間不提也罷)，人滿足了第一個願望後，就會想去擁有其它滿足感，同年的12月就去了台灣跑了第一個半馬當慶祝自己生日 (時間都係兩個鐘以外)。

大部份跑者完成半馬後，好自然就會向全馬出發，自問覺得自己應該有進步空間，所以就報了訓練班去接受一些正規練習去提升自己 (說真的每一堂的確跑到嘔㗎)。幸運地2015年的大板馬拉松給我抽中，所以選擇這個作為我的初馬同最後以 Sub-5 4:46:59 完成，亦在短短半年日子內在2016年京都馬拉松以 4:18:52 PB 了半小時有多!

心想18分鐘平衡42公里去計算，應該好易把它吃掉，所以選擇了2016年春川馬拉松去挑戰 Sub-4。好景不常，喺18K左右拉傷右邊 IT Band，這次傷後明白到在每場比賽裏有很多不同環境因素會影響結果 (深思後應是熱身不夠同天氣太凍)。在這兩個月休息期裡，已報了比賽全都要放棄，同時就只能用游水去保持體能，好慶幸在2017年二月的渣打馬拉松以4:06:47完成。

同時在剛過去的金澤馬拉松以 (net time) 3:54:53 完成 Sub-4夢，流下男兒淚來，由於近半年都係主攻山賽，所以對我來講有這成續真係極度開心的事情。

後記：跑步時間係代表自己付出過的努力，而非用來互相批鬥。互相鼓勵先至係正確，希望大家跑得快樂!