跑步，咩嘢係最緊要呀?

其實唔只係渣馬，每次落場跑步，一定會遇到唔同嘅L令人心煩氣燥，飲幾多支口服液都唔夠下火。好多人成日話跑步會改變一個人，但對於呢班L黎講似乎無咩用，不如先改變一下自己，調整一下自己嘅心態，不如試下咁﹕

跑走江湖，最忌心浮氣燥，(心浮氣燥，就愈影響自己嘅集中力。)
沉住氣，最少保持2秒距離。(前面急停又或者有意外，都有時間減速避免攬炒)
瞻前顧後，為轉線做好準備。(入水站又或者要中槍都好，Cut線之前唔該望吓後面有無人。)
無論大與小，禮讓最緊要。(大師兄定係小師妹，禮讓一陣有位先好爬頭，差個少少你練咗咁耐實追得返時間嘅)

於跑道上，一定要有良好嘅技術同態度，
先稱得上為真功夫!
「跑」出真功夫，方為大師傅!

跑步，要跑得過癮，咩嘢係最緊要? 對腳? 唔係。對鞋? 係個人要有好態度呀! 無論你有無傷患定係赤足跑，無良好嘅態度，係咁影響其他跑手，你只係一個自私L。

跑步，無良好嘅態度，大家因為你都唔會跑得開心同過癮，點跑呀?

祝各位渣馬跑得過癮又開心! 個個都係大師傅!