好多人都話: 成年人每日最多只可食兩隻雞蛋。原因係，蛋黃含有超高膽固醇，而膽固醇會造成血管阻礙，係心血管疾病嘅元兇。
不過近年，呢個講法已被推翻。
俄羅斯科學家老點世人100年
1913年，俄羅斯科學家阿尼奇科夫，將雞蛋等膽固醇含量高嘅食物畀兔仔食，結果兔仔患上動脈硬化。之後嘅科學家，就用呢個實驗去引證膽固醇同心血管疾病嘅關係。但係大家唔得咗一件事：兔仔日常嘅飲食係草，唔係蛋!
之後先有科學家發現，因為兔仔係草食性動物，係無分解膽固醇嘅能力。相反，人類係雜食動物，進食過量膽固醇，係可以由肝臟分解。即係話只要肝功能正常，其實進食膽固醇都未必對身體有好大影響。
而且，膽固醇係組成細胞核的重要營養，缺少膽固醇反而會影響健康(特別是成長中的青少年)。
雞蛋 (特別是蛋黃) 亦含有富豐礦物質，放棄雞蛋其實放棄咗一個價廉物美嘅營養來源。
所以美國就喺2015年開始，修改佢哋嘅膳食指南 (2015-2020 Dietary Guidelines)，取消每日最多食兩隻雞蛋的建議。另外，亦唔反對人食蝦、魷魚呢啲高膽固醇食物。
食物膽固醇與身體膽固醇
不過，大家必須要留意，雖然食物中嘅膽固醇進入身體後可被分解，但如果血液中含有過量膽固醇，亦會造成血管阻礙等健康問題。
所以，雖然最新的飲食指南，無對雞蛋等食物設下進食上限，但亦唔等於可以毫無節制咁食。
凡事太盡，緣分勢必早盡，係咪?
資料來源: Scientific American、Competitive Enterprise Institute
Fitz 連結: https://fitz.hk/?p=94244
Fitz Facebook專頁
[輕斷食減肥法] 以簡單做賣點 3個月減20磅
[營養師之言] 加拿大運動營養建議 (營養比例建議版)
男人呀! 想要重振雄風嗎? 吃對了，夜夜勇猛沒煩惱
Fitz Diet 飲食
講求綠色、環保、天然的健康生活。推廣新一代健康生活文化。
