我家兩位拳王一向稱霸擂台、威風八面的！
但一回到家中，生死大權就落在我手腳之中了。
賽季操拳兩位拳王每一日操6、7個鐘算是等閒事，跑步跑山打沙包打free fight舉啞鈴等等等等永遠是做極都做唔完，夜晚返到屋企便勁的用埋最後一滴力食飽飯，便會好似溶左既芝士咁撻喺到郁都唔郁。而呢個時候就係我出場大顯身手既時間喇⋯⋯
我作為一個長伴拳王們在側的小角色（其實自己認為是很重要的），一身日積月累免受欺壓的拿手招數是必須的，除左要識按摩踩背推油拉筋的骨妹外，仲要有復康知識（總之咩理論傢餐氣力都要搬晒出來啦）和心理輔導竅門是不可少的 。
----- 廣告 Ad -----
每晚飯後全套按摩由每晚11點幾開始，一直按到睇完大時代（要成兩個鐘嫁）。
1. 技術訓練 2. 肌力訓練 3. 穩定性訓練 4. 對打訓練
喺呢個時候我其實也大汗淋漓，手腳係咁做按摩用力幫佢地按摩拆trigger point，眼見佢地E嘩鬼叫到喊晒咁，我知道佢地唔係痛到喊，只係操練太辛苦Overload，心理關口未過到所以喊出來宣洩一下，所以咀巴即刻要把握機會同佢地做心理輔導。希望藉著按摩時間可以稍為安撫一下佢地令佢地有覺好瞓，明天又有精力操練。
你地加油呀！
我今晚會再用力D嫁喇>.<
1. 心肺訓練 2. 強度訓練
Eva@榮拳館
04年在泰國考獲專業泰拳教練資格，為本港首位國際認可女教練，現擔任榮拳館女子泰拳班之課程監督。妹妹Nana是應屆香港泰拳女拳王，老公是世界泰拳冠軍、綽號「轟炸機」的向柏榮，育有一子一女，望用旁觀者角度，分享冠軍級人馬的生活點滴、拳館、搏擊運動中的趣事。