簡單一招降低意粉熱量f

BBC Earth電視台有個節目個名好有霸氣,叫做 “Trust Me, I’m a Doctor.” 節目由幾位醫生介紹一啲醫學新發現,同埋一啲被忽略嘅健康之道。其中一集,有位醫生搵咗10位意大利菜廚師齊齊食意粉 。

佢哋分3日,食3碟唔同嘅意粉。3碟意粉嘅煮法、材料、調味完全一樣,當中只係有一個分別:溫度。第1碟意粉即煮即食,仲係熱辣辣;第2碟煮完之後放入雪櫃一晚,然後唔經解凍即刻食;第3碟意粉喺煮完放入雪櫃,食之前再次加熱。

呢10位廚師喺食意粉前同食意粉之後,都要做一次血糖測試,以研究呢3碟意粉嘅熱量。

就係呢班廚師進行食意粉研究。
就係呢班廚師進行食意粉研究。左邊後排係英國薩里大學嘅Dr Denise Robertson。(圖:BBC.com)

研究結果:


第1碟意粉(即煮即食):食完之後血糖飊升,然後又急速下降。
第2碟意粉(隔夜、冰凍):血糖升幅較低,而血糖下降緩慢。
第3碟意粉(雪凍後再加熱):血糖升幅及下降速度最緩慢。

一直做開有關研究嘅醫生Denise話,意粉雪凍咗之後,會令入面嘅澱粉較不易轉為醣,呢個狀態稱之為「抗性澱粉」(resistant starch)。而呢種抗性澱粉,原來有2大好處:

  1. 阻礙澱粉轉化成為熱量,維持血糖穩定,減少身體吸收熱量。
  2. 抗性澱粉可轉化為饍食纖維,對腸道更有益。

但最令Denise驚奇嘅係,意粉冷藏後再加熱嘅成效仲好。而10廚師嘅結果基本一致,更證實呢個講法喺科學上完全合理。

Denise醫生仲強調,從呢個研究睇,呢個食法,喺唔使改變食材之餘,又有效控制熱量吸收,對想減重朋友,以至糖尿病人,都係相當有參考價值。

意粉凍食,對身體仲有益。
意粉凍食,對身體仲有益。

資料:BBC.com

更多:
Fitz.hk Facebook專頁
美味飽足的改良瘦身食譜
[魔鬼在細節] 產品標示及成分,其實比你想像的更重要
Fitz Life 生活

廣告
張伯倫
自細肥仔一名,後來因發現患有脂肪肝,決心多做運動注重健康,曾參加並完成毅行者,關注所有健康資訊。