全球十大垃圾食物_f朋友知道我有寫開健康飲食嘅文章,好多時都專登send啲文畀我參考,不過好多時,嗰啲「這種食物喚醒了一億人!」、「超簡單!原來這東西令人健康」嘅文章,難分難假,一個唔小心真係會畀佢呃到。

早兩日,有人傳咗篇《全球十大「垃圾」食物》嘅文俾我,話世界衛生組織公佈咗十大垃圾食物,包括油炸類食品、腌製類食品、燒烤類食品等等等。但文章只係得簡單分類及描述,完全無一啲具科學性嘅分析同研究。(我為求唔好再妖言惑眾,特登唔落link,有圖自己睇)

全球十大垃圾食物

1
呢篇文畀WHO一口否定咗,大家咪當真呀。

睇完之後,已經覺得篇文章好熟口面,諗住查下佢嘅出處,點知一查之下,發覺呢篇文竟然喺大陸被流傳咗12年,而內地新浪網呢個月仲有專題報道《世衛組織:十大垃圾食品名單純屬子虛烏有》。即係話,呢篇潮文流傳咁多年,最近先被人推翻,可見禍害之深。

講番新浪網嘅報道,佢直接向世界衛生組織(WHO)求證文章真偽,WHO一口否認出過咩垃圾食物嘅指引。


咁呢單嘢其實已經可以掉落垃圾桶,不過記得有位營養師講過咩係垃圾食物,佢話:

「任何食物都有營養,呢個世界無垃圾食物,只係有唔好嘅飲食習慣,令到食物食咗落肚,做成垃圾!」

呢句說話我又唔認同得晒,始終有啲食物,我都將佢列作垃圾級別。不過,飲食習慣有時真係重要過食物質素,食物無論幾有營養都好,都應要適可而止,飲食均衡先係皇道呀!

更多:
[黑店事件] 一餐食四碗飯等於做幾多運動?
10大理由 一定要食魚!
Fitz Diet飲食

其他文章:

廣告
張伯倫
自細肥仔一名,後來因發現患有脂肪肝,決心多做運動注重健康,曾參加並完成毅行者,關注所有健康資訊。