馬斯克加持減肥 App “Zero”，全球首富一個月減9公斤

----- 廣告 Ad -----

全球首富馬斯克

上月，馬斯克於希臘度假時被拍到赤膊「肉照」，一身肥肉被全球網民嘲笑。或者因為咁，令馬斯克有減肥嘅衝動，個幾月之後，佢喺 Twitter 話使用「斷食減肥法」(Intermittent Fasting)，成功減去9公斤 (約20磅)，仲讚揚應用程式「Zero」幫到好多 (The Zero fasting app is quite good)。

On advice of a good friend, I’ve been fasting periodically & feel healthier

— Elon Musk (@elonmusk) August 28, 2022

「斷食」要講紀律

「Zero」App 表面上同一般減肥 App 無大分別，都係定時定候提下你食嘢、做運動，又有營養師、醫生等專家，監察你嘅斷食成效。

「斷食」減肥法簡單講，就係採用「唔食嘢」嘅禁食方式減肥。可分為:

• 16:8: 一日禁食16小時，8小時可以食嘢
• 5:2: 一個星期7日，隨便揀兩天禁食
• Eat Stop Eat: 每星期有24小時禁食，通常會選在第一天的晚餐後，至第二天的晚餐前

「斷食法」理論，大約10年前年前由英國著名紀錄片主持人 Michael Mosley 醫生推廣，佢哋對原始人嘅飲食進行研究，發現幾十萬年前人類嘅食物來源並唔穩定，佢哋經常面對無嘢食嘅日子。所以，人類喺進化過程裏面，發展出一套身體儲存能量嘅機制。有嘢食嘅時候會將過剩能量儲存喺身體，當食物短缺時身體才至唔會停擺。

幾年前森美聲稱以斷食法減去20磅

時至今日，現代人類基本上唔會遇上有食物短缺，甚至會食下過多食物。多餘嘅能量就會累積在身體，令我哋過胖，因而引發各種疾病。斷食式嘅飲食減肥法，就要希望可配合人類身體嘅機制，消掉身體儲存過多的能量。

所以，採用「斷食」減肥法好需要自律以及堅持，用「Zero」或其他減肥 App，就係輔助你達到減肥效果。