[例湯過鹹] 食鹽太多致大肚腩?

根據消委會嘅調查，話大家去餐廳飲嘅湯，平均含鈉嘅份量，高於健康標準嘅三成！

所謂鈉，主要來自我哋煮飯嘅鹽。即係話，出街食飯就要食多好多鹽。

吸收過多鈉，會導致：

1. 心血管疾病，如高血壓、心藏病
2. 提高中風機會
3. 增加癌病，特別是胃癌發病機會
4. 令骨質流失
5. 影響兒童智力發展

咁標題話，「食鹽太多致大肚腩」又點解？

10克食鹽會有4克嘅鈉。而我哋每日食2-8克鹽已經好夠。

有時，餐廳為咗幫食物防腐、除去異味，或者令食物變得鬆軟等原因，會喺煮食之前加入食鹽。到煮嘅時候，為咗令食物較易入口，就會落番多啲糖去調味。一來一回之下，你喺餐廳食嘅嘢，就會又多鹽又多糖，又或者煮個較濃味嘅湯汁。所以，如果話餐廳湯水含鹽過多，而你又唔覺得難飲，就即係其實同時飲咗好多糖落肚。

咁食得多糖對身體最直接嘅影響，就係吸收過多熱量，令身體積聚脂肪，而通常會積聚喺肚腩！

總之，出街食飯要健康，真係要識得唔少招數。唔飲例湯可能係健康飲食嘅第一步！

資料：電視節目《又要威又要戴頭盔》

更多：
Fitz.hk Facebook專頁
想讓運動後疲勞提早恢復? 來杯西瓜汁吧!
[流言終結者] 吃素會變胖?
Fitz Diet 飲食