咪以為呢梳香蕉染咗色或者中咗輻射，佢絕對係100%純天然無添加無人造色素。呢隻蕉叫做「爪哇藍蕉(Blue java banana)」，最近成為網上瘋傳嘅對象。
爪哇藍蕉盛產於澳洲北部同夏威夷，外皮係天然淺藍色，剝開就係普通香蕉白色果肉，口感綿密，有啲似雪糕，加上佢嘅獨特香味，有人話似 Häagen-Dazs 雲呢拿味雪糕。亦因為咁，夏威夷人稱佢為「冰淇淋香蕉」。佢嘅營養成份同一般香蕉大同小異，都係含有豐富纖維、鎂，以及維他命B及C。
藍蕉蕉樹大約6呎高，可以喺不同氣候生長，佢甚至極度耐寒，可以喺零下7度環境生長。
據講，台灣屏東農場已經引入呢種藍色香蕉，希望遲下可以運嚟香港，等我哋香港人都可以試下。
資料: ETtoday
講求綠色、環保、天然的健康生活。推廣新一代健康生活文化。
