唔食 Gel 得唔得啊? 有時比賽得多，真係對 Gel 都反胃，但又成日都有「耐力持久戰」山賽、路賽咁喎! 唔食 Gel 仲可以食啲咩?
小妹每次長途賽都係「三軍未動，糧草先行」，長途賽都只係食果仁及能量棒。嗱嗱! 大家冷靜啲先，你哋會問:「吓! 咁 Power Gel 呢? 咁飯呢?」個人認為，山賽呢啲咁即時要能量嘅運動，食飯其實都係比自己味蕾上刺激，係漫長山賽入邊有多啲安慰。
能量棒高能量又高纖維，好襟飽!
----- 廣告 Ad -----
豆腐純粹個人喜好，亦不失為易入口又補糖份同蛋白質嘅食物!
不過話說回頭，比賽果陣，我哋身體都係喺活動量大及高壓力狀態，會有咩反應? 咪就係肝糖消耗得快! 即係加快身體虛耗，容易疲倦。雖然 Power Gel 入邊啲葡萄糖可以令肌肉迅速回復，但只可維持較短時間，唔通一場 100K 山賽要食6、7包咩? 老實講，唔係話 Power Gel 唔好，係身體唔可以大量吸收! 補給係山賽必學一環，小妹覺得能量棒係最好嘅補給食物，無論山賽又好、全馬又好，甚至乎一啲長時間既持久活動 (要帶裝備嘅) 都係最好選擇!
能量棒 (Energy Bar) 不單含豐富纖維和低升糖，又能提供足夠飽肚感，係首選能量補充食物。食2條就可以頂到4-5個鐘嘅運動量! 同時，小妹都鍾意食啲果仁同豆腐花，果仁口感好 (Sorry! 小編的確對果仁好有好感)；豆腐花易入口又甜甜哋唔會太寡味!
今年逆走100時，特別叫十卜朋友買豆腐花!
Fitz連結: https://fitz.hk/?p=121533
電兔小玉
跑步的世界 有人比你快 有人比你慢 所謂的強與弱 不在於跑得多快 多遠 只在於你有沒有落場跑