蛋黃越深色越有營養？
答呢個問題之前，大家估下上圖呢三隻蛋係點嚟？
5、4、3、2、1，開估！
蛋黃點解有唔同顏色？ 蛋黃嘅顏色，其實取決於雞食咩飼料。
中間嗰隻就一般超市買到嘅平價蛋。生呢種蛋嘅雞，一般嚟講都逼喺細小嘅雞籠入面，而雞隻喺長大之後，都可能無機會行一步，每日做嘅事就係低頭食飼料。而呢啲超市雞蛋，食嘅飼料就係一般嘅谷物。
左邊第一隻蛋，係由供應超市嘅農場，出品嘅貴價蛋。雞隻嘅待遇一樣咁差。不過因為蛋商知道大家鍾意雞蛋大大隻，蛋黃又要深黃色，所謂就改良飼料，以粟米為主，令蛋黃顏色極之深。
雞場嘅雞長大之後，可能完全無機會走動。
最右邊一隻蛋，就係我哋稱之為「走地雞」生嘅雞蛋。呢啲雞除咗有得行有得走之外，而佢哋亦可以自由進食，即係話呢啲雞食嘅嘢，有食昆蟲、蚯蚓，甚至蔬菜、谷物等。
黃蛋顏色深淺，原來同營養價值絕對有關。有研究指，越深色嘅蛋黃，佢嘅蛋白質同脂肪會越高。不過值得一提，就係有報告指放養雞（「走地雞」）嘅雞蛋，因為飼料多元化，所以會含較豐富嘅營養成份，例如有omega-3以及多種維他命。
所以，唔少人支持放養雞雞蛋，唔單只為咗動物權益，亦都係為咗身體健康。
放養嘅走地雞，有研究話佢哋嘅雞蛋營養豐富，因為雞隻真係乜都可以食。
資料來源：Family Health Freedom Network
更多：
Fitz.hk Facebook專頁
簡單一招降低意粉熱量，連醫生都震驚!
美味飽足的改良瘦身食譜
[魔鬼在細節] 產品標示及成分，其實比你想像的更重要
Fitz Life 生活
張伯倫
自細肥仔一名，後來因發現患有脂肪肝，決心多做運動注重健康，曾參加並完成毅行者，關注所有健康資訊。