[飲食大誤解] 錯足100年蛋黃唔係萬惡?

好多人都話: 成年人每日最多只可食兩隻雞蛋。原因係，蛋黃含有超高膽固醇，而膽固醇會造成血管阻礙，係心血管疾病嘅元兇。

不過近年，呢個講法已被推翻。

俄羅斯科學家老點世人100年

1913年，俄羅斯科學家阿尼奇科夫，將雞蛋等膽固醇含量高嘅食物畀兔仔食，結果兔仔患上動脈硬化。之後嘅科學家，就用呢個實驗去引證膽固醇同心血管疾病嘅關係。但係大家唔得咗一件事：兔仔日常嘅飲食係草，唔係蛋!

----- 廣告 Ad -----

之後先有科學家發現，因為兔仔係草食性動物，係無分解膽固醇嘅能力。相反，人類係雜食動物，進食過量膽固醇，係可以由肝臟分解。即係話只要肝功能正常，其實進食膽固醇都未必對身體有好大影響。

而且，膽固醇係組成細胞核的重要營養，缺少膽固醇反而會影響健康(特別是成長中的青少年)。

雞蛋 (特別是蛋黃) 亦含有富豐礦物質，放棄雞蛋其實放棄咗一個價廉物美嘅營養來源。

所以美國就喺2015年開始，修改佢哋嘅膳食指南 (2015-2020 Dietary Guidelines)，取消每日最多食兩隻雞蛋的建議。另外，亦唔反對人食蝦、魷魚呢啲高膽固醇食物。

不過，大家必須要留意，雖然食物中嘅膽固醇進入身體後可被分解，但如果血液中含有過量膽固醇，亦會造成血管阻礙等健康問題。

----- 廣告 Ad -----

所以，雖然最新的飲食指南，無對雞蛋等食物設下進食上限，但亦唔等於可以毫無節制咁食。

凡事太盡，緣分勢必早盡，係咪?

講求綠色、環保、天然的健康生活。推廣新一代健康生活文化。