Fitz > 飲食 Diet > 8種致肥的「減肥食品」
8種致肥的減肥食物_f
揀食物唔係剩係睇包裝,仲要了解食物嘅營養成份。知道有咩成份之餘,仲要了解對身體影響。

1. 早餐粟米片8種致肥的減肥食物_001市面上大多數粟米片,都標明係低脂(Low-fat)、全穀物(whole gain),但事實上,越多呢一類描述,佢為咗要維持原有味道,就需要加入更多添加成份。其中不可缺少嘅係糖,以及精煉的碳水化合物(refined carbs)。呢兩種成份,直接能迅速提升血糖指數。而晨早流流,一下將血糖升高,影響身體運作,令身體要食更多糖,否則人會感到疲倦。而糖份,其實亦係西方社會致肥嘅主要兇手。

2. 全麥麵包8種致肥的減肥食物_002喺超級市場呢一類所謂全麥食品(whole wheat food),大多數係由經加工的穀物製成,屬於refined carbs,令血糖提升。而且全麥麵包標榜嘅高纖維,其實對人身嘅幫助,完全唔及一個蘋果。

3. 燕麥條8種致肥的減肥食物_007燕麥本身當然對身體有益,不過大家購買到嘅燕麥條,當中加入堅果或花生等成份,佢哋以油炸加工,容易致肥。而燕麥條亦有大量糖,實不宜多食。

4. 低脂乳酪8種致肥的減肥食物_005首先要指出,所謂高脂嘅飲食習慣,並無證據係致肥元兇,而最新嘅研究亦指出,反式脂肪對身體未必有壞影響。至於低脂乳酪,生產商為咗要維持良好口味,就會加入人工甜味劑(artificial sweetener),以及果糖。而呢啲嘢又係會提升血糖。

5. 現成沙律醬8種致肥的減肥食物_006沙律嘅蔬菜生果固然令身體健康,但如果加入市面買到嘅沙律醬,就當堂打晒折扣。因為呢啲沙律醬,加入大量果糖、豆油、人工色素等垃圾元素,唔單止影響健康,仲其實係高卡路里。

6. 天然果汁8種致肥的減肥食物_008呢到講緊嘅唔係便利店買到嘅人造果汁,而係用果汁機搾出嚟嘅天然果汁。係,佢哋一樣唔健康!原因係搾果汁嘅過程裏面,生果嘅纖維受到破壞,所以果汁裏面嘅果糖,就毫無阻擋被身體吸收,身體嘅血糖又會突然提升。無故提升血糖,對身體長遠有嚴重影響,例如糖尿病。最健康嘅方法,就成個生果就咁食,既方便又健康。

7. 無糖汽水8種致肥的減肥食物_004而家啲汽水標榜無糖、零卡路里,但最近有研究發現,製造呢啲汽水嘅人造甜味劑(artificial sweetener),會提升人嘅食慾。所以,越飲得多呢啲汽水,就會食得越多嘢。撇除呢啲代糖對人體嘅壞影響,單係越食越多呢條罪,係咪要即刻戒絕佢哋呢?

8. 混合果仁

市面上一包包,有齊花生、杏仁、腰果等堅果,再溝埋青豆、提子乾、藍莓乾、松子等雜豆乾果,以健康食品為賣點,但其實暗藏垃圾。先講乾果,提子乾、藍莓乾等經過加工處理,將果糖濃縮,糖份甚高。而進食者混合與堅果、雜豆呢啲帶鹹嘅食物一齊,會沖淡乾果甜味,因而越食越多。

其實仲有幾種香港唔多常見嘅減肥食品,都含有影響人體健康嘅成份,亦會令人致肥。呢款食品係:龍舌蘭糖漿、有機加工食品,以及無麩質食品,總之佢哋唔可以幫你減肥,仲會破壞你嘅身體。

資料:authoritynutrition.com

更多:
Fitz.hk Facebook專頁
5種需要推翻的飲食常識
[素食食譜] 用電飯煲煮義大利麵
Fitz Life 生活