Ritz Crackers,香港叫「利是餅」、「利是脆餅」或「利脆」,於1934年由美國食品公司 Nabisco 發明,而家於全球多國都有生產。

最經典嘅利是餅外型係圓形,外圓呈花邊。90年來,大多數顧客都唔知餅乾點解有花邊。最近,Ritz 官方於 TikTok 發佈影片,講畀大家知條花邊有咩用:

花邊原本嘅設計,係畀大家食嘅時候,可以將餅乾當刀用,用餅乾花邊切開芝士,然後夾芝士食。不過,近年 Ritz 推出唔同夾心口味,都唔使自己搞咁多嘢。

更何況,依照1987年由譚炳文旁白嘅廣告所講,食餅乾鍾意點食就點食囉。

資料: CNN


文章為作者意見,不代表Fitz立場。
歡迎投稿: http://fitz.hk/contribute/
首頁 > 飲食 Diet > Ritz餅乾點解係花邊? 官方公佈90年秘密