9月份又到，又係山賽開始的日子，迎接新賽季，又係買新裝備既時候。係一系列長途賽來臨前，通常都有唔少短途賽先打頭陣，而短途賽唔同人對「腰包」定「背心」都有唔同既喜好。
「腰包流」
喜歡腰包的跑友，大部分原因是都係因為較為輕便，攞野方便快捷。亦可以減輕雙肩既負擔，同時又可以令背部有更好既散熱。而係香港最為山友熟悉的「腰包流」高手. 一定係首推 John Ellis。跑開山既山友，大多數都知道 Naked running band +上裸半身，已經係 John 的標誌之一。有時我都諗唔明佢玩HK100 點可以將1.5L水樽+ 食物 + 一大堆指定裝備放得到晒入條 Belt 到，就算佢唔係一流既跑手，都一定係一個一流既「收納專家」~ 哈哈。
「背心流」
相比腰包，小弟個人來講比較鐘意背心，因為有較高的穩定性。因為小弟屬於「排骨型」(唉~個人問題) 有時用腰包會比較「浪」，特別水樽裝滿水時就會更「浪」，特別落山既時候腰包會拋得好勁，所以用「背心」包貼上身對我來講會比較穩定及舒適。而小弟在剛剛舉行的 Tailwind Trail Chase，試用左專為短途賽設計的 Salomon S-Lab Sense 2 Set。
儲物表現
新一代的 Sense 2 set 比上一代容量大了1倍，分別在於心口前方2袋較上一代更大，可存放更多補給品或電話。另外，背面亦新増了一個背袋，所以容量足足大了一倍，足以應付50Km以內的比賽。而且袋的總重量只有95g (真係可以話係紙皮咁薄，咁輕)，而佢用既彈力的網面物料，配合前方胸口雙聯彈力帶設計，可以分散負重壓力，令你跑起來貼身得來又舒適。
透氣散熱表現
速乾及彈力的網面物料，令長時間運動下仍然保持透氣乾爽及舒適。而在剛剛舉行的 Tailwind Trail Chase 當天天氣都十分悶熱，溫度高達35度，小弟跑完後感覺依然良好，背部散熱算是不俗 ~ (起碼當日咁熱都頂到，兼跑到隻金人仔番來都未爆，哈)。
S粉或S袋用家 ~~~ 注意!!!!
特別介紹 ~ 放棍「神器」
2017年新款的 S-Lab Sense Set 系列，當中有一新附加配件，可以講係「神器」，就係~ Custom Quiver。 此「神器」適用於 S-Lab Sense 5 ，8 Set. 此附加配件，可以完全解決放 Pole 既問題，可快速收放雙 Pole，極為方便。比起早一代要先行加像筋或硬收雙 Pole 於背袋，對 Pole 人來講簡直係恩物!!!!
Fitz Facebook專頁
[大脾罅救星] 從未如此舒適的短褲仔
[越野跑鞋的GTR] Salomon S-Lab Sense Ultra
[潮流興玩帽] 識襯一定係襯「佢」 (Bike Cap)
[有毒慎入] 識玩，一定要帶女友去玩呢個 (前篇)
[怯~你就輸了!] 一對踏上大賽頒獎台的地球人
壞人 [email protected]
Fitz Running 跑步
八十後，現職某大型連鎖店之營運經理，自2011 首次參與毅行者後，漸漸愛上越野跑。參加過大大小小之香港路賽，山賽 (凡人一名)。講究裝備，正宗『裝備L』 一名。 堅持屎波都要架生多。同時亦熱愛足球， 死忠曼聯迷。
