美國市場研究公司NPD Group早兩日出咗份報告，指智能手錶嘅使用人數日漸提升。佢哋估計，喺2016年美國成年人用智能手錶嘅人數，將達9%，而智能手錶亦會慢慢蠶食手環市場。
----- 廣告 Ad -----
我對手環手錶邊個打贏呢場仗無乜興趣，不過報告有一點好值得大家注意。根據NPD嘅統計，有四成嘅運動手環用家，買咗隻手環之後，只係用咗六個月，然後放棄使用。
報告話現今手環功能仍未合符用家需要，一般只有計步功能，用家用得耐咗，就覺得唔夠用囉。
其實，真係玩裝備嘅跑友車友，對電子裝備嘅要求總係有多無少。有跑友最初買隻Garmin Forerunner 220，用下用下，最後咪要upgrade去920XT！運動手環如果唔可以一步到位，市場只會越嚟越窄。
著名運動手環用家奧巴馬，手上嘅Fitbit唔知係咪只用半年？
同場加映：2014年美國媒體報道，話Fitbit令唔少用家手部出紅疹。
張伯倫
自細肥仔一名，後來因發現患有脂肪肝，決心多做運動注重健康，曾參加並完成毅行者，關注所有健康資訊。