今年8月，有單車友搞單車單活動，踩到將軍澳澳景道時，突然畀上址嘅維港灣畔管理員阻止，話呢條路屬於私人管理，唔係住客唔畀入！然後用鐵馬封咗條路。結果一大班車友，唯有推住架單車搭地鐵，先可以繼續行程。 (見《[地主大反擊] 封澳景路阻單車活動》)
我哋眼見呢條其實係車友、跑友，以及行山友經常要經過嘅道路，更加係當區居民出入將軍澳至藍田嘅最快捷道路。於是就去信地政署，問下點解啲管理員可咁把炮，有權封咗條路都得？
大概兩個月後，我哋收到西貢地政專員吳嘉杰嘅回信，佢喺信入面話：
「根據將軍澳市地段第55號（維景灣畔）的地契條款，該地段的承批人有權使用並須負責保養及維修澳景路。根據相關地契條款，澳景路屬維景灣畔的非專用通道（下稱「該非專用通道」），供（屬於維景灣畔居民或其真正訪客的）車輛及行人進出該地段。維景灣畔的業權人可以根據有關地契條款限制非指定人士駕駛車輛（包括單車）使用該非專用通道。」
用人話翻釋，就係話呢條路由維景灣畔出錢維修、保養以以管理，而根關地契，佢只係畀維景灣畔嘅居民同訪客使用。維景灣畔嘅業權人有權唔畀任何人 (包括單車友、跑友、行山友) 出入呢條路。
好嘞，問題嚟嘞：
- 漁護署規劃嘅「衛奕信徑」，澳景道屬於衛奕信徑第三段必經之路。唔入澳景道，就上唔到五桂山，唔可以繼續行程。咁地政署呢個規劃，有無顧及行山人士需要？
藍色圈圈係衛徑三段，要橫越澳景道嘅地方。唔入得澳景道，就唔可以繼續行程。 (漁護署圖片，按圖放大) - 澳景道係往來調景嶺同藍田最方便嘅道路，如果因為一句「私人道路」做理由，就封咗當區一條咁方便，咁受歡迎嘅通道，咁係咪忽略居民需要？
好可惜，有關方面似乎無重視上述問題。而當區區議員，同時係維景灣畔業主立案法團主席陳繼偉先生，我哋喺8月搵過佢，但仍然未聽到佢嘅回應。
我哋會繼續追，希望可以追到一個合理嘅解釋，更希望有關方面可以正視居民同市民嘅需要。
按：各位經常用澳景道嘅跑友、山友、單車友，請留言表達你哋嘅意見。我哋會集合大家意見，再向地政署及區議會反映。
更多：
Fitz.hk Facebook 專頁
[地主大反擊] 封澳景路阻單車活動
[開心大發現] 可能係全港最最最短嘅單車徑
[正苦新猷] 灣仔至北角的「推車徑」
⮑ YAS HYKE 行山保 保障範圍涵蓋全港所有山野及行山徑，5程僅需$75 (Fitz 讀者優惠$50/5程)，便享有意外醫療、財物以及身故賠償等保障，合共保額超過HK$300,000。
為何要運動？去公園看看那些四五歲的小朋友，從跑跑跳跳所得來的喜悅吧！勿忘初衷，運動會令人快樂，難道我們都忘記嗎？
分享連結:
