位於啟德前跑道嘅「啟德空中花園」於5月21日正式開放。呢個花園全長約1.4公里,佔地約兩公頃,貫通啟德郵輪碼頭、啟德跑道公園,以及未來興建嘅都會公園,將成為日後啟德地區嘅旅遊樞紐。

空中花園內設有3個架空廣場,分別為「花園廣場」、「草地廣場」及「噴泉廣場」,位於花園南面嘅「地面廣場」則設有露天劇場,可供進行休閒娛樂活動。

空中花園以「航空」為設計主題,花園種植逾80種樹木及灌木,其中園景廊劃分為春、夏、秋、冬四個區域,展現四季不同的色彩,突顯本地植物的多樣性。

網民反應: 沙塵滾滾曬鹹魚

不過,唔少網民對於呢個空中花園,都係負評居多:

  • 附近仲有好多大型工程未完工,周圍環境沙塵滾滾
  • 整個花園唔見有大樹,大熱天時太陽曬住根本無得匿
  • 蛇型外表,都幾肉酸
  • 說好的輕軌列車去左邊……
  • 個設計無咩美感
  • 行地盤

不過對跑友嚟講,1.4長嘅公園,又連接跑道公園,太陽落山、地盤收工後,其實都係啱跑步嘅。

啟德空中花園1331網站

資料: 政府新聞公告

首頁 > 生活 Life > 啟德空中花園: 全長約1.4公里,連接郵輪碼頭及跑道公園