呢幾日天氣酷熱，但作為一個走在時代尖端嘅地球人，用電實在OUT突！我有秘密武器──「迷你葵扇」！佢只係得手掌咁細，勁可愛。只要輕輕一撥，肯定馬上引黎眾人羨慕目光。嘿嘿，因為：哥撥的不是風，是態度。
無錯啦無錯啦，就算幾熱都好，為環境著想，大家都係用少D電啦。其實自己撥扇有好多好處呢！
勁LIKE小葵扇原因：
- 葵扇、紙扇、圓扇、摺扇，咁多款式實唔會同人撞
- 撥扇是手部運動，一個夏天落黎，仲唔同拜拜肉講拜拜？
- 可以自行決定風力大細
- 自己撥又得，幫人撥又得，兩三個人把扇都絕對無問題，得左！
- 一把用上兩三年，耐用又環保
- 輕身，便攜，隨身帶多把俾男/女朋友，仲唔溫柔體貼攞滿分？
- 豐儉由人，幾蚊至幾十蚊把都有
- 葵扇、竹扇物料夠天然，質感涼快，即使棄置亦易於分解
- 紙扇、摺扇可以發揮創意，用報紙雜誌紙皮DIY
- 回憶童年，尋回童真，細細個，邊個未用過手撥扇？
- 搖風納涼在古時看來係風雅之事，文青潮流點可以唔跟？
- 無止境用電增加排碳，亦是令氣溫持續上升的原因啦，所以手撥扇其實是為自己也為地球，一起宣揚一種有型的環保態度吧
嬲豬手提電風扇原因：
----- 廣告 Ad -----
- 耗電！耗電！耗電！增加碳排放，令酷熱天氣變惡性循環
- 即使充電池，也浪費金錢、時間和電力，而且電池分解會釋出有毒有害物質，危害環境
- 幾數元一個，但勁易壞，產生好多廢膠，棄置的話要花數百年分解！
- 太重，女士手袋細，不方便
- 大部分都中國製造，沒聽過XX的會爆炸嗎？
呢把小葵扇係地球人嘅珍藏兼好朋友（其實仲有兩把好靚嘅竹扇-_,-），唔知大家有冇用開嘅手撥扇呢？影張相黎分享下丫 ^_^v
Trailwatch徑‧香港
郊野公園及郊野保育特別地區佔香港總面積達四成。這些珍貴而無可替代的自然資源，分佈於不同地區，讓所有人都可享受大自然的景致，必須加以保護。 然而，政府部門尚未建立相關的管理計劃，同時城市發展的需求亦持續威脅着郊野公園及自然地貌。
徑.香港提供手機應用程式服務讓使用者記錄行山及郊野活動，與其他使用者分享見聞記事，從而積極參與監察郊野的工作。