三個唔洗運動唔洗餓減肥法 4冬天真係一個好evil嘅季節。天氣一凍,人就停止唔到食嘢,而且一凍又唔想出街運動,小編今個冬天就肥咗差不多五磅,真係….唉。到底有冇方法唔洗餓又唔洗出街運動都可以瘦?最近日本網站mery就整理出三個輕鬆簡單嘅減肥法,好多日本女仔都follow緊呀!

三個唔洗運動唔洗餓減肥法 1a

一、暖腸減肥法
想要有好嘅減肥效果,保持內臟溫暖係好重要。而呢個減肥法特別強調腸道嘅溫暖,因為腸道如果偏冷咁就全身都會跟住冰冷。而且體內冰冷會令老廢物質更難排出,仲會造成便秘。所以藉由暖腸嘅方式可以幫助身體調整至易瘦嘅狀態。腸道夠暖,血液循環都會變好,滯留喺身體嘅多餘水分、老廢物質會更易排出,提升整體代謝率。想要用暖腸減肥法保持內臟溫暖,可以準備暖包或者熱水袋貼喺肚臍附近,提升腸內活動。

三個唔洗運動唔洗餓減肥法 2a

二、餐前喝水法
餐前飲兩杯水,充滿咗胃嘅空間,就會多咗啲飽肚感,食量自然少啲。呢招小編都有用,真心幾work。

三個唔洗運動唔洗餓減肥法3b

三、熱香蕉減肥法
加熱過嘅香蕉有美肌、瘦身功效,仲可以幫助減輕壓力!嘗試過兩星期熱香蕉減肥法嘅日本女孩表示,呢個減肥方式令佢咪平均瘦咗2kg- 3.5kg,真係好似好堅啵?加熱後嘅香蕉寡糖增加,抗氧化同改善便秘嘅效果都會跟住增加,香蕉內所含嘅膳食纖維、維他命仲有鉀都都對於減肥好有幫助。建議喺早上食用加熱嘅香蕉嚟代替早餐。早上起身身體體溫較低,加熱嘅香蕉可以幫助溫暖身體,增加腸道活性。而熱香蕉嘅食法非常簡單!只需要準備一到兩隻香蕉,切片再用微波爐加熱30-40秒鐘,即可代替早餐食用。

呢啲減肥法真係好似好簡單,小編都會試吓,不過減肥嘅基本都係要控制自己食量同做返些少運動啦。

本文得到Pockey Beauty正式授權轉載

更多:
Fitz.hk Facebook專頁
如何戶外運動跟烈陽遊戲而美白卻又不失霸氣? (上)
如何戶外運動跟烈陽遊戲而美白卻又不失霸氣? (中)
如何戶外運動跟烈陽遊戲而美白卻又不失霸氣? (下)
Fitz Life 生活


文章為作者意見,不代表Fitz立場。
歡迎投稿: http://fitz.hk/contribute/
首頁 > 生活 Life > [日本勁Hit!] 三個唔洗運動唔洗餓嘅減肥法