海洋公園宣佈,園內三大經典機動遊戲「極速之旅」、「滑浪飛船」及「越礦飛車」,將服務至8月底,9月1日正式關閉。

滑浪飛船

「滑浪飛船」於1984年投入服務,係海洋公園現存最悠久歷史嘅遊戲之一。由於危險性唔高,適合一家大細玩,可以話係海洋公園最經典遊戲。

越礦飛車

2000年開放,為香港首部有主題嘅過山車,坐落位置完全臨海,當時被譽為東南亞風景最靚嘅過山車。有傳越礦飛車嘅位置,原本係計劃興建一座木製嘅過山車,不過因為危險程度太高,於興建途中被否決。

極速之旅

2001年開放,係香港第一部跳樓機,開放時於年輕人圈子極為哄動,當時視為海洋公園必玩遊戲。跳樓機差唔多20層樓高,每座塔每次可乘坐12人,以慢速爬升到頂,停頓幾秒後以時速40英里墜下至一半高度,反彈回升一小段再下墜,歷時約3分鐘。

多番救亡無果

政府2020年委任富商劉鑾雄之子劉鳴煒,出任海洋公園董事局主席後,公園隨即傳出負債消息。去年政府撥款54億予公園重生,但搞過露營、行山、瑜伽活動後,仍然未見起色,而家終於宣布要關閉多個經典機動遊戲。

海洋公園「森度遊」宣傳照

舊嘅唔去,新嘅唔來,唔知劉公子有無辦法令公園起死回生了。

資料: 881903.com

首頁 > 生活 Life > 海洋公園三大經典機動遊戲8月底退役