呢兩個禮拜，一係霸王級寒流，一係回南天氣，總之唔係落雨就係落雪，唔係密雲就係大霧。今朝睇天文台嘅天氣預報，卒之見到期待已久嘅太陽嘞。
預料乾燥天晴嘅天氣，可以維持到下星期二嘅大年初二。咁就好嘞，鍾意行山嘅，就可以喺農曆年假行餐飽；而要參加比賽嘅朋友，又唔使打水戰！
農曆新年期間賽事：猴年大年初一利是跑、新春行大運 – “三大”（初三）、美津濃發財跑（初三）
嘉道理農場嘅「鐘花櫻桃」
----- 廣告 Ad -----
見新正頭咁好天氣，原本諗住叫大家去嘉道理農場睇下櫻花 (品種叫「鐘花櫻桃」)，佢哋嘅開花指數達到60%。不過好可惜，由年廿九到年初四，嘉道理農場都係半日或全日休息。大家要睇，一係等到過年後先去，一係就趁打鐵趁熱，呢個星期六過去啦。
家聯
為何要運動？去公園看看那些四五歲的小朋友，從跑跑跳跳所得來的喜悅吧！勿忘初衷，運動會令人快樂，難道我們都忘記嗎？