健身球，大家應該玩唔少，可以話係keep fit良伴，居家做gym必備。最近，有人竟然發現呢個波，仲可以用令學生乖乖坐低上堂。
挪威一間小學，就將高年級學生坐嘅櫈，換咗做健身球，學生無發癲之餘，仲係超開心！
事緣係一位治療師，發現只要加重學生嘅運動量，就可以令學生身體健康之外，亦能提升佢嘅學習能力。於是就喺呢間學校嘅兩班學生裏面做呢項實驗，將10至13歲嘅小朋友，佢哋坐開嘅櫈換咗呢啲膠波。
之後，佢哋檢討結果。發現學生嘅脊骨同背部肌肉更健康，而學業成績雖然無大改善，不過課堂上明顯靜咗。
----- 廣告 Ad -----
校長話，呢啲波平過櫈，亦見到學生健康咗，所以佢都樂於繼續呢項實驗。
至於學生呢。佢哋話坐住個波上堂，上堂變得輕鬆，亦容易啲集中精神。
下次老闆話要office換櫈，不妨叫佢搵個波代替。
挪威Bjerkreim School in Rogaland紀綠片 (挪威文)
資料來源：The Local、aftenposten.no
更多：
Fitz.hk Facebook專頁
蚊滋仔下晝3點前最危險
[唔行無得食] 8大隱世豆腐花
Fitz 生活 Life
Fitz 編輯部
我哋坐唔定、無時停，唔做運動唔舒服! 只要係有用知識、重要資訊，以至好玩話題，Fitz都會全力搜羅，同時鼓勵「郁民」齊齊參與，打造一個開放嘅運動生活資訊平台。