街上發現幼鳥點算?

初夏時分，係雀鳥繁殖季節。唔少地方，更加有燕子築巢孵蛋。正因為咁，呢排有唔少人喺街上面，都會發現有幼鳥喺巢上面跌落嚟。咁應該點做呢？

香港觀鳥會就提供以下嘅方法：

1. 睇下隻雀係咪啱啱出世。如果發現佢只有少少羽毛，又見佢嘅鳥巢，可以試下將佢放返去。
2. 如果幼雀已經有好多羽毛，已經唔係BB。咁通常佢哋嘅爸爸媽媽喺附近，你可以遠離幼雀最少10米，等10分鐘，佢哋嘅爸爸媽媽有可能會搵番佢。
3. 如果10分鐘後無雀出現，可以執一支粗幼相等於手指尾嘅棒型物品 (如樹枝)，放喺佢嘅爪上面，等幼雀揸實之後，將幼雀連同棒狀物放喺高處，避免畀其他動物 (如貓或蛇) 襲擊。
4. 千祈唔好將佢哋帶返屋企養。除咗犯法之外，幼雀需要專業人士照顧，一般人飼養可說係凶多吉少。

注意：

1. 暫時只有鴨同鵝嘅禽流感傳染畀人類嘅病例。
2. 網上留言指，愛護動物協會及漁護署，均表明會將幼鳥人道毁滅。
3. 嘉道理農場需辦公時間致電 (熱線2483 7200)，以及自行運送受傷動物到農場。

資料來源：香港觀鳥會

更多：
Fitz.hk Facebook專頁
[唔好做殺手] 摸蜆破壞海洋生態
蚊滋仔下晝3點前最危險
[唔行無得食] 8大隱世豆腐花
Fitz 生活 Life