台灣一名60歲男子,無不良嗜好,仲好鍾意行山。不過,佢每個星期六日行完山後,星期一朝早就會覺得肚痛,特別係肚臍周圍,深呼吸時會更痛,到星期二痛楚先至紓緩。

呢個問題困擾咗佢一段頗長時間,本以為係腸胃病,但檢查後都搵唔到原因。檢查過後,醫生目送佢離開診所,見到佢孭背囊嘅姿勢不當,懷疑同「肚痛」有關。

腹直肌幫助身體直立

醫生再次為呢名男子檢查,發現佢患上「腹直肌炎」。呢個病,通常源於孭背囊姿勢不當,或做運動時熱身不足。腹部前方肌肉分3層,由外至內依次序:

  • 腹外斜肌
  • 腹直肌
  • 腹內斜肌

腹直肌下方連接恥骨,上方則連接第五、六及七肋軟骨與胸骨劍突。當肌肉收縮時,令軀幹向前彎曲。而身體直立時,與背部肌群維持張力。此外,亦幫助人體吸呼氣。

背囊背帶不宜過長

負責診症嘅醫生話,背囊背帶如果過長,背囊位置低至臀部,可導致腹直肌炎:

  1. 背囊低至臀部,會令腹直肌持續用力,令身體向前彎曲
  2. 平時用呢個姿勢行街,行下坐下,未必會有問題
  3. 用呢個姿勢負重行山,就會令腹直肌過勞,引起發炎

正確使用背囊方法

山藝讀本》作者何偉明,示範正確使用背囊方法:

醫生補充,腹直肌問題最常見於運動員熱身不足,所以做任何運動前記得做足熱身,令肌肉有充份準備,就可以預防肌肉痛。

資料: 自由時報


文章為作者意見,不代表Fitz立場。
歡迎投稿: http://fitz.hk/contribute/
首頁 > 生活 Life > 健康 Health > 孭背囊姿勢不當 容易患上腹直肌炎