一直以來,為人父母都堅信電子遊戲對小朋友百害而無一利,唔少人相信打機會壞眼、影響專注力,甚至影響智力等。不過最近英國有研究,竟然鼓勵青少年玩多啲電子遊戲。

最近一篇刊於學術期刊《Psychological Medicine》嘅研究報告,指打機較多嘅11歲嘅青少年,比少打機嘅同齡少年,患上抑鬱症嘅機率低24%。呢份由英國倫敦大學學院做嘅研究,係收集咗英國、瑞典及澳洲三地共11,000名少年嘅數據,而得出呢個結果。

負責研究嘅博士學生 Aaron Kandola 發現幾點值得大家思考:

  1. 研究發現電子遊戲可推動少年與同齡少年建立朋友關係,有助佢哋嘅社交發展;
  2. 缺乏運動係青少年患上抑鬱嘅成因之一,電子遊戲有助較少體育運動嘅青少年加強肢體活動,減少佢哋患上抑鬱症嘅風險;
  3. 暫未有證據證明電子遊戲對青少年心理有正面影響,不過至少證實打機唔會有壞處。

Aaron 強調,青少年心理衛生係現今社會一大課題,所以只要幫助佢哋,咩方法都不妨一試。

資料: Good News Network


文章為作者意見,不代表Fitz立場。
歡迎投稿: http://fitz.hk/contribute/
首頁 > 生活 Life > 健康 Health > 英國研究: 常打機青少年患抑鬱症風險較低