多謝梁祖堯,調教咗Mirror,令我哋呢班粉絲可以見到12仔最真摯一面。

調教你Mirror》第10集,主持梁祖堯運用訓練演員嘅方法,以遊戲方式摸索 Mirror 12子內心世界,佢哋直接面對自己最真實一面。Mirror 12子縱然面對鏡頭,但仍然將情緒全面釋放。觀眾睇一次喊一次,催淚過文藝大悲劇。

喊,究竟係咪壞事? 梁祖堯咁樣講:

哭泣為身心帶來5大好處

哭泣係人類嘅情緒反應,大家唔會反對別人笑,但往往叫人「唔好喊」。不過正如阿祖話齋:「咁樣其實係好荒謬」。事實上,無論生理及心理,哭泣有相當多好處。

1. 排走身體穢物

哭泣可製造眼淚,短時間嘅哭泣最直接嘅好處,就係清潔眼睛,沖走眼睛入面沙塵及有害物質。眼淚亦會潤滑眼睛,並形式保護層可防衛細菌。此外,有研究指觸動情緒嘅眼淚,含有接近2%嘅壓力荷爾蒙及身體毒素。

2. 穩定情緒

哭泣係身體自我安慰最佳機制之一,有研究發現,哭泣會激活副交感神經系統 (parasympathetic nervous system, PNS)。PNS 幫助身體休息以及放鬆情緒,將精神壓力紓緩。

3. 減輕痛楚

同做運動一樣,哭泣令身體排出安多酚 (endorphin),大腦會感受歡愉,忘卻身體及精神上嘅痛楚,心情變得平靜和諧。

4. 調節大腦溫度

當哭泣時,快速嘅呼吸令身體吸入比平常多嘅清涼空氣,可幫助調節大腦溫度。大腦溫度降低,會令頭腦更清醒,心情更愉快。

5. 建立社交信任

BB仔喊,好多時都係引人注意,藉著眼淚建立人與人關係。大人哭泣,其實同BB仔一樣,好多時亦可以得到別人安慰同關心。從人類行為角度睇,哭泣亦係一種手段去建立人際網絡。不過成功與否,難以一概而論。

既然哭泣有咁多好處,睇電視節目覺得感人咪一齊喊囉,並唔需要掩飾。

資料: Healthline

圖: 《調教你Mirror》截圖


文章為作者意見,不代表Fitz立場。
歡迎投稿: http://fitz.hk/contribute/
首頁 > 生活 Life > 健康 Health > 跟Mirror大哭一場: 哭泣的5大生理及心理好處