馬來西亞著名地標雙子塔

話說,馬來西亞一名 TikTok 運動達人 (下稱為「網紅」) ,自稱喺快速測試呈陽性反應後,喺唔使隔離、唔使食「蓮花清瘟膠囊」下,用自創方法痊癒。

根據「網紅」喺 TikTok 發佈短片,佢3月2日晚上測到有陽性反應,結果全晚發燒,多汗,導致嚴重失眠。第二朝一落床,就依照佢相信嘅「跑步能醫百病」理論,有理無理落街慢跑。佢話,跑步時絲毫唔覺有異樣,呼吸無困難,肌肉亦唔會無力。而最重要就係,佢覺得做完運動一身輕鬆晒。

跑步前: 陽性
跑步後: 陰性

結果,「網紅」跑咗9.86公里,返到屋企再做檢測,結果由陽轉陰,證明佢呢套理論絕對有用咁話。「網紅」仲補充,佢呢次係第二次中招,第一次陽性就係匿埋一個人做健身,都係咁樣醫返好。

醫生: 咪害死人!

短片發表之後,立即受到大批網民圍攻,話佢帶住病毒周街跑,絕對會傳播疫症。而馬來西亞嘅醫生亦大力抨擊「網紅」,話佢亂噏! (馬來語: mengarut)。醫生話染疫必須將患者隔離,仲話患者身體機能變差,根本唔適合做劇烈運動。

醫生出文反駁

醫生亦補充,佢相信「網紅」嘅快速檢測未必準確,病毒絕對唔會因為跑步而消失,佢呼籲喺快速檢測驗到陽性嘅患者,要做進一步檢測,以確定情況。

資料: Says


⮑ YAS HYKE 行山保 保障範圍涵蓋全港所有山野及行山徑,5程僅需$75 (Fitz 讀者優惠$50/5程),便享有意外醫療、財物以及身故賠償等保障,合共保額超過HK$300,000。
首頁 > 生活 Life > 健康 Health > 馬拉TikToker聲稱染疫後跑步痊癒,醫生: 毫無根據