Fitz > 生活 Life > 旅遊 Travel > 中國男子登珠峰後遇疫情,流浪411日穿越七國始回家

四川成都居民「毛毛」,2021年5月12日登上世界之巔珠穆朗瑪峰,但竟然係佢惡夢開始。就喺佢登頂落山之後,尼泊爾爆發疫情,EBC 基地營有大批登山客確診,政府封山。「毛毛」雖然安全落山,但尼泊爾取消所有往來中國航班,佢就展開411日嘅「逃難之旅」。

  • 2021年6月1日,尼泊爾取消往中國航班,「毛毛」開始滯留尼泊爾首都加德滿都
  • 2021年10月,有人話埃及有飛機往中國,「毛毛」搭上飛機經中東卡塔爾,抵達埃及首都開羅
埃及開羅
  • 抵達開羅後,「毛毛」感染疫症,被拒上機返回國。「毛毛」再搭飛機經卡塔爾返尼泊爾加德滿都
  • 返到尼泊爾,發現簽證到期。「毛毛」希望尼泊爾當局遣返佢返中國,於是向中國大使館求助,但不獲受理。結果「毛毛」取道巴基斯坦,希望經陸路回國
  • 喺巴基斯坦首都伊斯蘭瑪巴德,「毛毛」被當地中國人以買機票或入境「綠碼」為名,被騙取大筆金錢
  • 「毛毛」接受朋友提議取道老撾返國,於是由伊斯蘭瑪巴德飛到卡拉奇、轉機到杜拜、泰國曼谷、再飛老撾永珍
  • 由永珍坐火車至雲南西雙版納,被大陸口岸人員拒絕其入境申請,仲將佢交畀老撾軍方。「毛毛」話自己落入金三角地區嘅黑道組織手中。
金三國
  • 喺金三角,「毛毛」被黑幫追捕,走入深山之中,以捕捉青蛙、昆蟲為生。

  • 最後喺金三角公路遇到中國軍人,帶佢去雲南邊境隔離28日,於2022年5月28日抵達成都,終於返到屋企。

「毛毛」呢段旅程相當驚險,佢嘅經歷亦十分戲劇性 (例如: 點解佢好似有無限金錢?) 唔少人抱懷疑態度。有時呢一類大陸新聞,都當奇聞睇下算。

資料: 凤凰Times


⮑ YAS HYKE 行山保 保障範圍涵蓋全港所有山野及行山徑,5程僅需$75 (Fitz 讀者優惠$50/5程),便享有意外醫療、財物以及身故賠償等保障,合共保額超過HK$300,000。