香港逐步放寬限聚令,唔少公眾設施重開。國際上有國家亦開放邊境,有消息指台灣於10月解除入境禁令,歐洲多國會也在6月恢復通關。利好消息勾起唔少人嘅「旅遊筋」,不過美國有網站搵咗幾位旅遊業界人士分析,話就算全球解除疫症嘅威脅,旅遊嘅世界亦會變得不一樣。

1. 大型旅行團息微

疫症爆發初期,唔少個案都經由大型郵輪、海外旅行團而傳播,相信唔少香港人都對「鑽石公主號」、「埃及旅行團」群組記憶尤新。所以未來日子,消費者都抗拒這類集體旅遊方式,以「自由行」為主。

2. 機票價格暴漲

  • 疫症令大家對社交距離有重新睇法,民航機嘅座位未來應會減少,航機更為鬆動,航班成本大升
  • 唔少航空公司在疫症期間嚴重虧蝕,小型公司倒閉或被吞併在所難免,競爭少咗,格價亦會上漲
  • 航空公司會加強機票彈性,可以因應情況而畀乘客改期甚至取消機票。羊毛出自羊身上,機票又點會唔貴?

3. 飛行習慣改變

因應大家對衛生嘅要求,飛機會減少喺機上供應熟食為主嘅飛機餐。而航空為咗控制成本,亦可能減少飛機上嘅娛樂設備。到時,大家可以能要自攜糧水上機充飢,或者拎電腦上機睇片解悶。

4. 醫療證明要隨身

未來日子要出門,除咗要帶機票、護照之外,亦要帶備醫生簽發嘅健康證明書,以令出入境時出行無阻。

5. 旅遊保險成必備品

疫症令大家明白旅遊保險嘅重要性,相信以後大家對旅遊保險嘅需求大為增加,而保險條款亦會變得越來越仔細,保費會越來越高。

6. 長線旅遊成主流

呢段期間唔少人都被逼 WFH (work from home),明白到做嘢唔一定要喺 office,估計以後會有更多人享受 WFH 呢種工作模式,甚至可以邊旅遊邊工作,長線旅遊唔會限住喺暑假或聖誕發生。

資料: Buzz Feed


文章為作者意見,不代表Fitz立場。

歡迎投稿: https://fitz.hk/contribute/

廣告
永誠
講求綠色、環保、天然的健康生活。推廣新一代健康生活文化。