大陸端午節長假期,又發生遊客濟留事件。6月13日,唔少遊客漏夜登上泰山山頂睇日出,山頂聚集數以萬人。不過日出之後,佢哋一窩蜂趕住坐吊車落山,結果吊車站逼滿等車遊客,吊車公司要關閉車站,遊客大為鼓噪,有人更嘗試衝閘。

 

遊客李女士對記者話,佢一家用咗8個鐘頭由山腳行上山頂,已經無力行落山,所以逼於無奈等吊車。不過記者發現,就算唔坐吊車,行落山嘅路都係逼滿人,遊客十分狼狽。

吊車公司回應話,佢哋每程吊車大概要用6分鐘,成個系統有6卡限坐48人嘅吊車,一個鐘只可疏導1630人。當時山頂遊客太多,有人要等成5個鐘先有車坐。

其實,每次長假期泰山都逼滿遊客,但明知吊車系統承受唔到,又點解控制人流,例如暫停賣飛呢? 呢一類處理手法,真係相當有中國特色。

資料: 搜狐


文章為作者意見,不代表Fitz立場。
歡迎投稿: http://fitz.hk/contribute/
首頁 > 生活 Life > 旅遊 Travel > 端午節一窩蜂湧上泰山睇日出,吊車逼爆遊客大叫開門